தமிழ் அரும்பு

சர்ச்சையில் இளம் சாமியார் நித்தியானந்த சாமி

2010-03-02T22:02:00.000+05:30

சர்ச்சையில் இளம் சாமியார் நித்தியானந்த சாமி

சர்ச்சையில் பிரபல சாமியார் -- இன்று சன் நியுஸ் தொலைக்கட்சியில் தற்சமயம் ஓடிகொண்டிருக்கும் செய்தி. அருவருப்பு தான் -- சாமியார் என்றால் இப்படிதான் இருப்பார்களா ?

இளம் சாமியார் நித்தியானந்த சாமி தமிழ் நடிகையுடன் இருப்பது போன்ற ஒரு காட்சி - சம்பந்தப்பட்ட தொலைகாட்சி, படத்தில் உள்ள சாமியார் நித்தியானந்த சாமியார் தான் என்று உறுதி செய்தபின் செய்தி வெளியிட்டதாக கூறி உள்ளது.

வெறும் செய்தியுடன் நிறுத்தியிருந்தால் நல்லதாக இருக்கும் என்று நான் நினைக்கிறேன்.

பார்ப்பதற்கு அருவருப்பாக இருந்தது.

நடிகையின் முகம் மறைக்கப்பட்டு இருந்தது.

மிகவும் சாதாரண மனிதர்கள் இப்படி இருந்தால் தவறில்லை. சாமியார் என்ற போர்வையில் இவ்வளவு கேவலமான மனிதர்களா ?

யார் திருந்தவேண்டும் - யார் சரியில்லை ? என்றே புரியவில்லை.

தொடரும் தாக்குதல்கள்

2010-01-22T14:30:00.000+05:30

தொடரும் தாக்குதல்கள்

தொடரும் தாக்குதல்கள் -- சொல்லி வாய் மூடவில்லை அதற்குள் அடுத்த தாக்குதல்கள். ஆஸ்திரேலியாவில் இன்று இரண்டு வாலிபர்கள் தாக்கப்பட்டு பணம் பறிமுதலும் நடைபெற்றுள்ளது. இந்த செய்தியினை பிரஸ் டிரஸ்ட் இன்று வெளி இட்டுள்ளது.

கெவின் கூறிய வார்த்தைகள் காற்றோடு போய்விட்டனவோ என்னவென்றே தெரியவில்லை.
வீட்டுக்கு அருகில் இருந்த தொலைபேசியில் பேசிக்கொண்டிருந்த ஒரு இந்தியர் தாக்கப்பட்டு பணம் பறிக்கப்பட்டுள்ளது.

மற்றொரு தாக்குதலுக்கு உட்பட்டவர் ஒரு ஓட்டுனர். இவரை முகத்தில் குத்தி காயம் ஏற்படுத்தி உள்ளனர்.

இவரது சிற்றுந்துவின் முன் பக்க கண்ணாடி உடைத்து நொறுக்கப்பட்டுள்ளது. தாக்குதலை நடத்தியவர்களை காவல் துறை தேடி வருகிறது.

வந்தாரை எல்லாம் வாழ வைக்கும் இநதிய மண்ணில் பிறந்து பிழைக்க வழி தேடி வேறு நாடு சென்று வாழ்க்கை நடத்தும் இந்த அப்பாவி மனிதர்கள் செய்த பிழை என்ன. கருப்பாக பிறந்ததா ?
இனவெறியோடு நடந்துகொள்ளும் இந்த ஆஸ்திரேலிய முட்டாள் மக்களை புறக்கணிக்க நமக்கு ஒரு வழி ஏற்படாதா ?

ஒட்டுமொத்த இநதிய மக்களும் இந்த இன வெறி தாக்குதலுக்கு சரியான முறையில் பதிலடி கொடுக்கவேண்டும். ஆஸ்திரேலியாவுடனான உறவினை நமது நாடு முறித்துக்கொண்டு அவர்களது செயலை உணர வைக்கவேண்டும். .

நிகர் நிலை பல்கலை கழகங்களின் அவலங்கள் |

2010-01-19T08:24:00.002+05:30

நிகர் நிலை பல்கலை கழகங்களின் அவலங்கள்

பணம் சம்பாதிப்பதே இவர்களின் குறிக்கோள் - இதில் எந்தவித மாற்றுக் கருத்தும் கிடையாது. கல்விச் சேவை செய்வது போன்ற போர்வைக்குள் இருந்துகொண்டு புரியாத மன நிலையில் உள்ள மாணவர்களை அவர்களுக்குத் தெரியாமலே சுரண்டுவதுதான் இவர்களின் முக்கியமான பணி.

இந்த பல்கலை கழகங்கள் எல்லாம் ஒரு கல்லூரியாக இருந்த போது சில வரண்முறைகளுக்கு உட்பட்டு செயல்பட வேண்டும். இதில் இவர்களுக்கு வருமானம் கிடையாது. ஏனெனில் கௌனசெலிங் முறையில் சேரும் மாணவர்கள் இந்த கல்லூரி பக்கம் செல்வதே கிடையாது. அவ்வளவு சீர்கேடான நிலையில் உள்ள இக்கல்லூரிகளில் எந்த வித படிப்பு வசதியும் இருக்காது.

சில கல்லூரிகளின் பெயரை கூட குறிப்பிட்டு எழுதலாம். வருமானம் இல்லாத இக்கல்லூரிகள் சில பெரிய மனிதர்கள் மற்றும் சீர்கெட்ட கல்வி அதிகாரிகளின் துணையோடு தங்களது கல்லூரிகளை நிகர் நிலை பல்கலை கழகங்களாக மாற்றி ஆணை பெற்று சுதந்திரமாக பணம் சம்பாதிக்க வழி ஏற்படுத்திக் கொள்கின்றனர்.

மதிப்பெண் குறைந்த மாணவர்கள் தங்களது படிப்பு தடைபடக் கூடாது என்பதற்காக எங்காவது இடம் கிடைக்காதா என தவித்து இந்த பயிலகங்களில் தங்களை அறியாமல் விட்டில் பூச்சி போல விழுந்துவிடுகின்றனர். இதை பயன்படுத்தி எந்தவித அடிப்படை வசதியும் இல்லாத இந்த பல்கலை கழகங்கள் இவர்களை ஆலையில் இட்ட கரும்பு போல பிழிந்து விடுகின்றன.

இன்றைய செய்தித்தாளை படித்தபோது மனம் பெற்ற வேதனை சொல்லமுடியாது. 44 நிகர் நிலை பல்கலை கழகங்கள் இந்த நிலையினை இழந்துவிடும் என்று கூறப்பட்டுள்ளது. ஏனெனில் இவைகள் அனைத்தும் அடிப்படை வசதி இல்லாமல் உள்ளனவாம். இதில் பெரும்பாலான பயிலகங்கள் தமிழகத்தில் தான் உள்ளன என்பதுதான் வேதனை

இந்த நிலை அவர்களுக்கு அங்கீகாரம் வழங்கும் போது என் கவனிக்க வில்லை ?

இதுபோன்ற கேள்விகள் நம் மனதில்எழாமலா இருக்கும். இதுபோன்ற பயிலகங்களுக்கு பல்கலை கழக அங்கீகாரம் வழங்க துணை போனவர்கள் மறைமுகமாக மாணவர்களை படுகுழியில் தள்ளுவதில் எந்த அளவு செயல்படுகின்றனர் என்பது வேதனை.

குறைந்த மதிப்பெண் பெற்ற மாணவர்கள் மற்றும் விவரம் தெரியாத மாணவர்கள் தங்களுக்கு எங்காவது ஒரு இடம் கிடைக்காதா என்று காட்டும் ஆதங்கம் மற்றும் ஆர்வத்தை பணமாக மாற்றி இவர்கள் பணம் பறிக்கின்றனர் என்றே கூறலாம்.கல்லூரியில் சேருவதற்கு எந்த அளவில் ஆர்வம் காட்டுகின்றனர் என்பதை பிளஸ் டு மாணவர்கள் பரீட்சை முடிவுகள் வெளியாகும் சமயத்தில் நாம் உணரலாம். இந்த ஆர்வம்தான் தன்னலம் கருதாத (!) நிகர் நிலை பலகலை கழகங்கள் பணம் சம்பாதிக்க வழிகோலுகின்றது.

மாணவர்களும் சற்று சிந்தித்து நல்ல முடிவு எடுக்கவேண்டும். இல்லையெனில் முடிவு நமக்கு மட்டும் பரிதாபகமாக இருக்கும். சிந்தியுங்கள் மாணவர்களே இந்தமாதிரியான பல்கலை கழகங்களை அடையாளம் கண்டு கொள்ளுங்கள்.

அங்கீகாரம் ரத்தாக உள்ள மொத்தம் 44 பல்கலை கழகங்களில் 16 தமிழ்நாட்டில் உள்ளன.
இந்த விவரங்களை எமது இணையதளத்தில் காணுக.

வேதாரண்யம் அருகே விபத்து

2009-12-03T14:04:00.000+05:30

வேதாரண்யம் அருகே விபத்து

வேதாரண்யம் அருகே விபத்து--இன்று காலை தஞ்சை மாவட்டத்தில் கத்திரிபுலம் என்ற கிராமத்தில் 25 பள்ளி மாணவர்களும 2ஆசிரியைகளையும் ஏற்றி வந்த சிற்றுந்து வழியில் ஒரு குளத்தில் மூழ்கி 9 மாணவர்களும் ஒரு ஆசிரியையும் உயிர் இழந்த சம்பவம் மிகுந்த வேதனையான செய்தி. ஓட்டுனரும் உதவியாளரும் தப்பி ஓடி விட்டனர்.

படிக்கச் சென்ற சிறார்கள் பிணமானால் பெற்ற மனது எவ்வளவு வேதனையுறும் என்பதை அளவிடமுடியாது.

உயிர் இழந்த ஆசிரியை குடும்பத்திற்கு ஒரு லட்சம் மற்றும் மாணவர் ஒவ்வொருத்தர் குடும்பத்திற்கும் ஐம்பதாயிரம் ரூபாயும் வழங்கிட அரசு ஆணை இட்டுள்ளது.

இந்த விபத்திற்கு காரணம் என்னவென்றே தெரியவில்லை. மேலும் சில குழந்தைகள் காணவில்லைஎன்பதால் தேடப்பட்டு வருகின்றனர்.
வேன் சரியில்லையா அல்லது ஓட்டுனர் சரி இல்லையா என்று மிக தெளிவாக விசாரித்து தகுந்த நடவடிக்கை எடுத்தால் மட்டுமே இது போன்ற விபத்துக்களை தவிர்க்கமுடியும் என்று என்னுகிரஐன்.

மனதை நெருடிய செய்தி

2009-11-19T10:49:00.001+05:30

மனதை நெருடிய செய்தி

மனதை நெருடிய செய்தி -- இன்றைய செய்திதாளில் நான் படித்த இந்த செய்தி என்னை மிகவும் சிந்திக்கச்செய்த ஒன்றாகும். 25 ஆண்டுகளுக்கு முன்னர் நடந்த கற்பழிப்பு வழக்கில் எட்டு இலட்சம் ரூபாய் நட்ட ஈடு வழங்கி சென்னை உயர்நீதிமன்றம் தீர்ப்பு வழங்கி உள்ளது. தீர்ப்பு வழங்கிய நீதி அரசர் இந்த தொகைக்கு ஒன்பது விழுக்காடு வட்டி வழங்கி மூன்று மாத காலத்தில் தொகையினை வழங்க அரசுக்கு உத்தரவிட்டுள்ளார்.

இதில் என்ன கொடுமை என்றல் கற்பழிப்பு வழக்கில் ஈடுபட்டுள்ளவர் ஒரு காவல் துறை அதிகாரி. 25 ஆண்டுகளுக்கு முன்னர் தன மனைவியோடு காவல் நிலையத்திற்கு வந்தவரை வீட்டுக்கு அனுப்பி விட்டு மனைவியை விசாரித்து அனுப்புகிறேன் எனக் கூறி கற்பழித்துவிட்டு அடுத்தநாள் காலை அந்த பெண்ணை வீட்டுக்கு அனுப்பி உள்ளார் இந்த காவல் ஆய்வாளர்.

காவல் ஆய்வாளரால் ஏற்பட்ட இந்த களங்கம் அப்போது 28 வயதுள்ள அந்த பெண்ணை உடல், மன ரீதியாக எந்த அளவுக்கு பாதிப்பை ஏற்படுத்தி இருக்கும் அந்த பெண்ணால் சமுதாயத்தில் ஒரு நல்ல வாழ்வு வாழ் இயலுமா என்ற கோணத்தில் நீதியரசர் ஆராய்ந்து தீர்ப்பு வழங்கி உள்ளார்.

இதில் மேலும் கொடுமை என்னவென்றால் வழக்கு நடந்து கொண்டு இருக்கும் போதே அந்த ஆய்வாளருக்கு பதவி உயர்வு வேறு கொடுக்கப் பட்டுள்ளது. ஆனால் இந்த அலுவலர் தற்போது இருக்கும் இடம் திருச்சி மத்திய சிறைச்சாலை. அரசும் இந்தமாதிரியான அலுவர்களுக்காக பொறுப்பேற்க வேண்டும் என நீதியரசர் தெரிவித்துள்ளார்.

சட்டத்தை காக்க வேண்டிய மக்களை காப்பாற்ற வேண்டிய ஒருத்தர் எவ்வாறு இப்படி நடந்தார் என்பதை யோசனை செய்யும்போது, இந்த மாதிரி மனிதர்களை மிகவும் கடுமையாக தண்டிக்கவேண்டும் என்று என் மனம் சொல்கிறது.

சட்டத்தை காப்பாற்றவேண்டிய ஒரு பொறுப்புள்ள அலுவலர் பொறுப்பு மீறி கடமை தவறி நடந்துள்ளார் இவர் சட்டத்தின்பிடியில் இருந்து தப்பிக்க கூடாது என்று 25 ஆண்டுகளாக போராடி உள்ளார் இந்த பெண்மணி என்று நீதியரசர் குறிப்பிட்டுள்ளார். இந்த பெண்மணி இந்த போராட்டத்திற்காக தனது வீடு மற்றும் சொத்துக்களை விற்றுள்ளார் என்பது வேதனையான செய்தி.

இதுபோன்ற காட்டுமிராண்டி அலுவலரகளுக்கு அரபு நாடுகளில் வழங்கும் தண்டனை போன்ற தண்டனை வழங்கினால் மட்டும் மற்றவர்களுக்கு ஒரு பாடமாக அமையும் என்று எண்ணுகிறேன்.

ஹிந்து செய்தித் தாளில் இன்று வந்த இச் செய்தி என்னை மிகவும் பாதித்ததால் நான் இதனை பகிர்ந்துகொள்ள விரும்பினேன்.

pallikkalvi

2009-11-05T12:21:00.003+05:30

பள்ளிக்கல்வி

பள்ளிக்கல்வி-- இன்று www.pallikalvi.com என்ற இணைய தளத்தில் இவ்வாண்டு செப்டம்பர் மாதத்தில் நடை பெற்ற தனித் தேர்வர்களுக்கான பிளஸ் 2 தேர்வு முடிவுகள் வெளியாகி உள்ளன.

இன்று கூகுளில் இது தொடர்பான தேடல்கள் அதிகம் உள்ளதால் பள்ளிக்கல்வி இணைய தளம் மிக சுறு சுறுப்பாக உள்ளது.

தேர்வு எழுதி முடிவுகளை அறிய ஆர்வமாக உள்ள மாணவர்கள் கீழ்க்கண்ட இணைய தளம் மூலம் தங்களது முடிவுகளை தெரிந்துகொள்ளலாம்.

www.pallikalvi.com

அனைத்து தேர்வர்களுக்கும் எனது மனமார்ந்த வாழ்த்துக்கள் .

பிணம் தின்னும் சாமியார்கள்

2009-11-04T13:48:00.005+05:30

பிணம் தின்னும் சாமியார்கள்

பிணம் தின்னும் சாமியார்கள்

சன் டி வீ இன் செய்தி தொலைக்காட்சி இம்மாதம் மூன்றாம் தேதி (நேற்று) இரவு 10 மணிக்கு காசியில் உள்ள சாமியார்களை பற்றிய ஒரு நிகழ்ச்சியினை ஒளி பரப்பியது. நானும் மிக ஆர்வத்துடன் பார்த்தேன். உண்மையிலேயே இப்படி ஓர் இடம் நமது நாட்டில் உள்ளது கண்டு ஆச்சரியப்பட்டதுடன் அருவருப்பும் ஏற்பட்டது.

கங்கை நதிக்கரையில் பிணங்களை எரிப்பது என்பது ஒரு சடங்காக ஆண்டாண்டு காலமாக நடை பெற்று வருவது அனைவருக்கும் தெரியும். மேலும், இறக்கும் தறுவாயில் உள்ள முதியவர்கள் தங்களது மரணத்திற்காக காசியிலே தங்கி தங்களது மரணத்தை அங்கேயே எதிர்கொள்கிறார்கள். காசியில் இறந்த பின் சொர்கத்திற்கு செல்கிறார்கள் என்பது ஓர் ஐதீகம். இறந்த சடலங்களை எரிமேடையில் இருந்து எரிந்து கொண்டு இருக்கும் போதே சில பாகங்களை அங்குள்ள அகோரிகள் எடுத்து உணவாக உண்கிறார்கள் என்பது
அருவருப்பாகவும் அதே சமயத்தில் வேதனையாகவும் உள்ளது.

சன் டி வி மிகவும் அருமையாக இந்த நிகழ்வுகளை ஒளி பரப்பியது, தொலைக்காட்சி வரலாற்றில், இது முதல் தடவை என எண்ணுகிறேன். காசியில் உள்ள சாமியார்கள் தங்களை கடவுள் என்றும், பிணங்களை இறைவன் அளிக்கும் பிரசாதம் என்றும் கூறுவது வேதனை.

அனைத்து சாமியார்களும், கஞ்சா புகைப்பதுடன், மது உட்கொண்டு தங்களது வாழ்க்கையினை நடத்துகின்றனர்.

இந்த இடத்திற்கு வரும் சுற்றுலா பயணிகளும் கஞ்சா பழக்கத்திற்கு ஆளாகின்றனர் என்பதுடன், காசியில் உள்ள இளைஞர்கள் பலர் இந்த பழக்கத்திற்கு ஆளாகி வாழ்க்கையினை தொலைத்துக் கொண்டு உள்ளனர் என்ற செய்தி வேதனை அளிக்கின்றது.

இறந்த உடல் முழுமையாக எரியாமல் தண்ணீரில் தள்ளப்படுவது ஒரு புறம், பிணங்களை தின்பவர்கள் ஒரு புறம் என இறந்த பின்னும நிம்மதி இல்லாத இந்த நிகழ்வுகள் களையப்பட வேண்டும். ஆட்சியாளர்கள் இதற்கான சட்ட பூர்வ நடவடிக்கையினை மேற்கொள்ள வேண்டும்.

இந்த அருவருப்பு மனிதர்களால் எந்த ஒரு நன்மையும் இன்றி மிகுந்த சங்கடங்கள் உள்ளன என்று காசி வாழ் மக்கள் சொல்கின்றனர்.

கடவுள்கள் என்று சொல்லிக்கொண்டு திரியும் இந்த அருவருப்பு மனிதர்களை எல்லாம் கைது செய்து சிறையில் அடைக்கவேண்டும் அல்லது, தகுந்த மாற்று ஏற்பாடுகள் செய்ய வேண்டும்.

பிணம் தின்னும் இந்த சாமியார்கள் இரவு 11 அல்லது 12 மணிக்குத்தான் எரிமேடை அருகே வருவார்களாம்

நிகழ்ச்சி தொகுப்பாளர் மிக சிரமப்பட்டு இரவு 12 மணி வரை காத்திருந்து பிணம் தின்னும் ஒரு சாமியாரை பிணம் தின்னும் போதே படம் எடுத்துள்ளனர் என்பது பாராட்டப்பட வேண்டியது.

அகோரிகளை பொருத்தமட்டில் எல்லாம் அவர்களுக்கு சரியென்றாலும் நமக்கு வேதனை அளிப்பதாகவே உள்ளது. இறந்த பின்பாவது நிம்மதி கிடைக்கும் என்றால் அதுவும் இல்லை என்றால் என்ன இந்த பிறவி. மிஞ்சி உள்ளது வேதனை - தனக்கும் குடும்பத்தாருக்கும்.

PRIVACY POLICY

2009-04-28T08:23:00.000+05:30

Privacy Policy for http://tamilarumbu.blogspot.com/

If you require any more information or have any questions about our privacy policy, please feel free to contact us by email at sridharjeyaraj@gmail.com.

At http://tamilarumbu.blogspot.com/, the privacy of our visitors is of extreme importance to us. This privacy policy document outlines the types of personal information is received and collected by http://tamilarumbu.blogspot.com/ and how it is used.

Log Files
Like many other Web sites, http://tamilarumbu.blogspot.com/ makes use of log files. The information inside the log files includes internet protocol ( IP ) addresses, type of browser, Internet Service Provider ( ISP ), date/time stamp, referring/exit pages, and number of clicks to analyze trends, administer the site, track user’s movement around the site, and gather demographic information. IP addresses, and other such information are not linked to any information that is personally identifiable.

Cookies and Web Beacons
http://tamilarumbu.blogspot.com/ does use cookies to store information about visitors preferences, record user-specific information on which pages the user access or visit, customize Web page content based on visitors browser type or other information that the visitor sends via their browser.

DoubleClick DART Cookie
.:: Google, as a third party vendor, uses cookies to serve ads on http://tamilarumbu.blogspot.com/.
.:: Google's use of the DART cookie enables it to serve ads to users based on their visit to http://tamilarumbu.blogspot.com/ and other sites on the Internet.
.:: Users may opt out of the use of the DART cookie by visiting the Google ad and content network privacy policy at the following URL - http://www.google.com/privacy_ads.html

Some of our advertising partners may use cookies and web beacons on our site. Our advertising partners include ....
Google Adsense

These third-party ad servers or ad networks use technology to the advertisements and links that appear on http://tamilarumbu.blogspot.com/ send directly to your browsers. They automatically receive your IP address when this occurs. Other technologies ( such as cookies, JavaScript, or Web Beacons ) may also be used by the third-party ad networks to measure the effectiveness of their advertisements and / or to personalize the advertising content that you see.

http://tamilarumbu.blogspot.com/ has no access to or control over these cookies that are used by third-party advertisers.

You should consult the respective privacy policies of these third-party ad servers for more detailed information on their practices as well as for instructions about how to opt-out of certain practices. http://tamilarumbu.blogspot.com/'s privacy policy does not apply to, and we cannot control the activities of, such other advertisers or web sites.

If you wish to disable cookies, you may do so through your individual browser options. More detailed information about cookie management with specific web browsers can be found at the browsers' respective websites.

2009-04-08T22:42:00.000+05:30

இனிய பொங்கல் நல் வாழ்த்துகள்

பொங்கல் நல்வாழ்த்துக்கள்

2009-01-13T15:35:00.003+05:30

பொங்கல் நல்வாழ்த்துக்கள்

பொங்கல் நல்வாழ்த்துக்கள்--தைப் பொங்கல் தமிழர்களின் தலை சிறந்த பண்டிகை ஆகும். உலகத் தமிழர்கள் அனைவரும் இந்த நன்னாளை மிகச் சிறப்பாக கொண்டாட எனது மனமார்ந்த நாள் வாழ்த்துக்கள்

இந்த தை அனைவருக்கும் எல்லா வளங்களையும் நலன்களையும் தர நான் எல்லாம் வல்ல இறைவனை வேண்டுகிறேன்.

இந்த ஆண்டு ஆரம்பத்தில் நமது இசை அமைப்பாளர் எ.ஆர். ரஹ்மான் அவர்கள் சர்வ தேச விருது வாங்கி தமிழ் மக்களுக்கு புகழ் சேர்த்துள்ளார். நல்ல ஆரம்பம் நம் அனைவருக்கும்.

வாழ்க தமிழ்! வளர்க தமிழ் மக்கள்!

2008-ஆம் ஆண்டின் திரைப்படங்கள்

2009-01-02T11:28:00.001+05:30

2008-ஆம் ஆண்டின் திரைப்படங்கள்-2008 ஆம் ஆண்டில் வெளிவந்த திரைப்படங்கள் குறித்த சில விவரங்கள்.

வருக புத்தாண்டு--2009-ஆம் ஆண்டில் நான் சமர்ப்பிக்கும் முதல் இடுகை இது.
அனைவரும் இந்த புத்தாண்டை மிகவும் உற்சாகமாக வரவேற்று இருப்பீர்கள் என எண்ணுகிறேன்.

அனைவருக்கும் எனது மனமார்ந்த புத்தாண்டு நல்வாழ்த்துக்கள். வரும் இந்த ஆண்டு மகிழ்ச்சியாக இருக்கவேண்டும் என்பதால் திரைப்படங்கள் குறித்த விவரங்களுடன் எனது முதல் இடுகை அமைகின்றது

மிக அதிக நீளப் படம் - அஞ்சாதே
குறைந்த அளவு நீளமுள்ள படம் - அக்கு
1931 முதல் 2008 ஆண்டு வரை தயாரிக்கப்பட்ட படங்கள் - 4911
அதிக படங்களை அளித்த நடிகர் - பரத் மற்றும் நடிகை - நயன்தாரா
துணை நடிகராக அதிகப் படங்களை அளித்தவர் - நாசர்.
இசை அமைப்பாளராக அதிகப் படங்களை அளித்தவர் - ஸ்ரீகாந்த் தேவா
அதிகப் படங்களை அளித்த நகைச்சுவை நடிகர் - வடிவேலு
அதிகப் படங்களை அளித்த பாடாலாசிரியர் - நா முத்துக்குமார்.

இந்த ஆண்டு அனைவருக்கும் அனைத்து இன்பங்களையும் அளிக்கக் கூடியதாக அமைய வேண்டும் என்று இறைவனை மனமார பிரார்த்திக்கின்றேன்.

UFC

2008-12-28T10:48:00.001+05:30

அண்மைச் செய்தி அல்ல ஆனால் உண்மைச் செய்தி

2008-12-24T16:17:00.002+05:30

அண்மைச் செய்தி அல்ல ஆனால் உண்மைச் செய்தி

நீண்ட ஆண்டுகளுக்கு முன்னர் எனக்கு ஏற்பட்ட உண்மை அனுபவத்தை பகிர்ந்துகொள்ள எனக்கு எந்த மேடையும் இல்லை. இப்போதுதான் எழுத aஆரம்பித்துள்ளதால் இந்த மேடையை பயன்படுத்தி எனக்கு ஏற்பட்ட உண்மை நிகழ்வை தங்களுடன் பகிர்ந்துகொள்ள விரும்புகிறேன்.

அரசு அலுவலகம் ஒன்றில் பணியாற்றிவந்த எனக்கு ஒரு முறை கடுமையான வயிற்று வலி மற்றும் வாந்தி ஆகியவற்றால் உடம்பு சரியில்லாமல் போகி ஒரு வாரம் விடுப்பில் இருந்து கொஞ்சம் கொஞ்சமாக உடம்பு சரியாகி மீண்டும் பணிக்குச் செல்ல ஆரம்பித்தேன். ஒரு மாதம்தான் ஆகியிருக்கும் மீண்டும் அதே வயிற்றுவலி. உயிர் போகும் அளவு வலியினால் துடித்து மிகவும் சிரமப்பட்டு பின்னர் அதற்குண்டான மருந்துகள் சிகிச்சை என ஆரம்பித்து அறுவை சிகிச்சை செய்தால்தான் சரியாகும் என மருத்துவர் கூற சென்னையில் உள்ள ஒரு பெரிய தனியார் மருத்துவமனையில் சேர்க்கப்பட்டேன்.

வயிற்று வலி வரும்போதெல்லாம் எனது வயிற்றின் வலதுபக்கத்தில் ஒரு கட்டி இருப்பது போலிருக்கும். வலி குறைய குறைய கட்டியும் மறைந்து போகும். இந்த கட்டியை அறுவை சிகிச்சை மூலம் தான் சரிசெய்யவேண்டும் என்பது மருத்துவரின் அறிவுரை.

ஆனால் எனக்குத்தெரியும் இந்த கட்டி மறைந்துவிடும் என. ஆக அடுத்த முறை வலி வரும்போது மருத்துவ மனையில் சேருங்கள் அந்த கட்டியை அகற்றி விடுகிறோம் என்றனர் மருத்துவர்கள். அதேபோல மறுமுறை வலிவரும்போது நானும் சேர்ந்தேன். அறுவைசிகிச்சை நாளை என்றும் அதற்காக என்னை தயார் படுத்தி மருந்தெல்லாம் கொடுக்க ஆரம்பித்தனர். மறுநாள் என்னை பரிசோதித்த மருத்துவர் எங்கே அந்த கட்டி என்றார். நான் அப்போதுதான் கூறினேன் வலிவரும்போது கட்டியாக இருக்கும், வலி குறைய குறைய அக்கட்டியும் காணாமல் போய்விடும் என்று. பணத்திற்கு ஆசைப்படாத அந்த மருத்துவர் என்னை அறுவை சிகிச்சை இன்றி வீட்டிற்கு செல்ல அனுமதித்தார். நான் இந்த அறிவுரையால் மிகவும் மகிழ்ந்து போனேன்.இந்த காலத்தில் என்றால் பணம் ஒன்றே குறியாக செயல் படும் சில மருத்துவர்கள் என்னை இவ்வாறு விட்டு வைப்பார்களா என்று. ஆனால் இந்த வயிற்று வலி என்னை விட்டு நீண்ட ஆண்டுகள் அகலவில்லை. நான் வயிற்று வலியால் மாதம் ஒருமுறை பட்ட கட்டம் எனக்குதான் தெரியும்.

இந்த நோய் அறுவை சிகிச்சை இன்றி எவ்வாறு குணமானது என்று தங்களுடன் மிக விரைவில் பகிர்ந்து கொள்ளுகிறேன்.

திருப்பாவை

2008-12-17T13:33:00.001+05:30

திருப்பாவை--எல்லோரும் பயன் பெரும் வகையில் முப்பது பாடல்களையும் கீழே சமர்பித்துள்ளேன்.

மார்கழி திங்கள் மதிநிறைந்த நன்னாளால்
நீராடப் போதுவீர்! போதுமினோ, நேரிழையீர்!
சீர்மல்கும் ஆய்பாடிச் செல்வச் சிறுமீர்காள்!
கூர்வேல் கொடுந்தொழிலன் நந்தகோபன் குமரன்
ஏரார்ந்த கண்ணி யசோதை இளஞ்சிங்கம்
கார்மேனிச் செங்கண் கதிர்மதியம் போல் முகத்தான்
நாரா யணனே நமக்கே பறைதருவான்
பாரோர் புகழப் படிந்தேலோ ரெம்பாவாய்!--(1)

வையத்து வாழ்வீர்காள்! நாமும் நம் பாவைக்கு
செய்யும் கிரிசைகள் கேளீரோ! பாற்கடலுள்
பையத்துயின்ற பரமனடி பாடி
நெய்யுண்ணோம் பாலுண்ணோம் நாட்காலே நீராடி
மையிட்டெழுதோம் மலரிட்டு நாம் முடியோம்
செய்யதன செய்யோம் தீக்குறளைச் சென்றோதோம்
ஐயமும் பிச்சையும் ஆந்தனையும் கைகாட்டி
உய்யுமாறெண்ணி உகந்தேலோரெம்பாவாய்!--(2)

ஓங்கி உலகளந்த உத்தமன் பேர்பாடி
நாங்கள் நம்பாவைக்குச் சாற்றி நீராடினால்
தீங்கின்றி நாடெல்லாம் திங்கள்மும் மாரி பெய்து
ஓங்கு பெருஞ் செந்நெல் ஊடுகயல் உகளப்
பூங்குவளைப் போதில் பொறிவண்டு கண்படுப்ப
தேங்காதே புக்கிருந்து சீர்த்த முலைபற்றி
வாங்கக் குடம்நிறைக்கும் வள்ளல் பெரும்பசுக்கள்
நீங்காத செல்வம் நிறைந்தேலோ ரெம்பாவாய்!--(3)

ஆழி மழைக்கண்ணா! ஒன்று நீ கைகரவேல்
ஆழியுள் புக்கு முகர்ந்துகொ டார்த்தேறி
ஊழி முதல்வன் உருவம்போல் மெய்கறுத்து
பாழியந் தோளுடைப் பற்பநா பன்கையில்
ஆழிபோல் மின்னி வலம்புரிபோல் நின்றதிர்ந்து
தாழாதே சார்ங்கம் உதைத்த சரமழைபோல்
வாழ உலகினில் பெய்திடாய் நாங்களும்
மார்கழி நீராட மகிழ்ந்தேலோ ரெம்பாவாய்!(4)

மாயனை மன்னு வடமதுரை மைந்தனை,
தூய பெருநீர் யமுனைத் துறைவனை,
ஆயர் குலத்தினில் தோன்றும் அணிவிளக்கை
தாயைக் குடல்விளக்கும் செய்த தாமோதரனை,
தூயோமாய் வந்துநாம் தூமலர் தூவித்தொழுது
வாயினால் பாடி மனத்தினால் சிந்திக்கப்
போய பிழையும் புகுதருவான் நின்றனவும்
தீயினில் தூசுஆகும் செப்பேலோ ரெம்பாவாய்!(5)

புள்ளும் சிலம்பினகாண் புள்ளரையன் கோயிலில்
வெள்ளை விளிசங்கின் பேரரவம் கேட்டிலையோ!
பிள்ளாய்! எழுந்திராய், பேய்முலை நஞ்சுண்டு
கள்ளச் சகடம் கலக்கழியக் காலோச்சி,
வெள்ளத்தரவில் துயிலமர்ந்த வித்தினை
உள்ளத்துக் கொண்டு முனிவர்களும் யோகிகளும்
மெள்ள எழுந்து அரியென்ற பேரரவம்
உள்ளம் புகுந்து குளிர்ந்தேலோ ரெம்பாவாய்!(6)

கீசுகீசென்றெங்கும் ஆனைச்சாத்தன் கலந்து
பேசின பேச்சரவம் கேட்டிலையோ பேய்பெண்ணே!
காசும்பிறப்பும் கலகலப்பக் கை பேர்த்து
வாச நறுங்குழல் ஆய்ச்சியர் மத்தினால்
ஓசைப்படுத்த தயிரரவம் கேட்டிலையோ!
நாயகப் பெண்பிள்ளாய் நாராயணன் மூர்த்தி
கேசவனைப் பாடவும் நீ கேட்டே கிடத்தியோ!
தேசமுடையாய் திறவேலோர் எம்பாவாய்!(7)

கீழ்வானம் வெள்ளென்று எருமை சிறுவீடு
மேய்வான் பறந்தனகாண் மிக்குள்ள பிள்ளைகளும்
போவான் போகின்றாரைப் போகாமல் காத்துஉன்னை
கூவுவான் வந்து நின்றோம்! கோது கலமுடைய
பாவாய்! எழுந்திராய் பாடிப் பறைகொண்டு
மாவாய் பிளந்தானை மல்லரை மாட்டிய
தேவாதி தேவனைச் சென்று நாம்சேவித்தால்
ஆவாவென்று ஆராய்ந்து அருளேலோரெம்பாவாய்!(8)

தூமணி மாடத்துச் சுற்றும் விளக்கெரிய
தூபம் கமழ துயிலணைமேல் கண்வளரும்
மாமான் மகளே! மணிக்கதவம் தாள்திறவாய்;
மாமீர் அவளை எழுப்பீரோ? உன் மகள்தான்
ஊமையோ? அன்றி செவிடோ அனந்தலோ?
ஏமப் பெருந்துயில் மந்திரப் பட்டாளோ?
மாமாயன் மாதவன் வைகுந்தன் என்றென்று
நாமம் பலவும் நவின்றேலோ ரெம்பாவாய்!(9)

நொற்றுச் சுவர்க்கம் புகுகின்ற அம்மனாய்
மாற்றாமும் தாராரோ வாசல் திறவாதார்
நாற்றத் துழாய்முடி நாராயணன் நம்மால்
போற்றப் பறைதரும் புண்ணியனால் பண்டொருநாள்
கூற்றத்தின் வாய்வீழ்ந்த கும்ப கர்ணனும்
தோற்றும் உனக்கே பெருந்துயில்தான் தந்தானோ!
ஆற்ற அனந்தல் உடையாய் அருங்கலமே
தேற்றமாய் வந்து திறவேலோர் எம்பாவாய்!(10)

கற்றுக் கறவைக் கணங்கள் பல கறந்து

செற்றார் திறலழியச் சென்று செருச் செய்யும்
குற்றம் ஒன்றில்லாத கோவலர்த்தம் பொற்கொடியே
புற்று அரவு அல்குல் புனமயிலே போதராய்
சுற்றத்து தோழிமார் எல்லாரும் வந்து நின்
முற்றம் புகுந்து முகில் வண்ணன் பேர் பாட
சிற்றாதே பேசாதே செல்வ பெண்டாட்டி நீ
எற்றுக்கு உறங்கும் பொருளேலோர் எம்பாவாய் (11)

கனைத்திளங் கற்றெருமை கன்றுக் கிரங்கி
நினைத்து முலைவழியே நின்று பால்சோர
நனைத்தில்லஞ் சேறாக்கும் நற்செல்வன் தங்காய்!
பனித்தலை வீழநின் வாசற்கடை பற்றிச்
சினத்தினால் தென்னிலங்கைக் கோமானைச் செற்ற
மனத்துக் கினியானைப் பாடவும்நீ வாய்திறவாய்!
இனித்தானெ ழுந்திராய் ஈதென்ன பேருறக்கம்
அனைத்தில்லத் தாரும் அறிந்தே லோரெம்பாவாய்!(12)

புள்ளின்வாய் கீண்டானைப் பொல்லா வரக்கனைக்
கிள்ளிக் களைந்தானைக் கீர்த்திமை பாடிப்போய்ப்
பிள்ளைக ளெல்லாரும் பாவைக்களம் புக்கார்
வெள்ளி யெழுந்து வியாழம் உறங்கிற்று
புள்ளுஞ் சிலம்பினகாண் போதரிக் கண்ணினாய்!
குள்ளக் குளிரக் குடைந்து நீராடாதே
பள்ளிக் கிடத்தியோ பாவாய் நீ நன்னாளால்
கள்ளந் தவிர்ந்து கலந்தே லொரெம்பாவாய்!(13)

உங்கள் புழக்கடைத் தோட்டத்து வாவியுள்
செங்கழுநீர் வாய்நெகிழ்ந்து ஆம்பல்வாய் கூம்பினகாண்
செங்கல் பொடிக்கூரை வெண்பல் தவத்தவர்
தங்கள் திருக்கோயில் சங்கிடுவான் போதந்தார்
எங்களை முன்னம் எழுப்புவான் வாய்பேசும்
நங்காய் எழுந்திராய் நாணாதாய் நாவுடையாய்
சங்கொடு சக்கரம் ஏந்தும் தடக்கையன்
பங்கயக் கண்ணானைப் பாடேலோர் எம்பாவாய்!(14)

எல்லே! இளங்கிளியே! இன்னம் உறங்குதியோ?
சில்லென்றழையேன் மின் நங்கைமீர் போதர்கின்றேன்
வல்லையுன் கட்டுரைகள் பண்டே உன் வாயறிதும்
வல்லீர்கள் நீங்களே நானேதான் ஆயிடுக.
ஒல்லை நீ போதாய் உனக்கென்ன வேறுடையை
எல்லாரும் போந்தாரோ போந்தார் போந்தெண்ணிக்கொள்
வல்லானை கொன்றானை மாற்றானை மாற்றழிக்க
வல்லானை மாயனைப் பாடேலொ ரெம்பாவாய்!(15)

நாயகனாய் நின்ற நந்தகோப னுடைய
கோயில் காப்பானே! கொடித்தோன்றும் தோரண
வாயில் காப்பானே! மணிக்கதவம் தாள் திறவாய்!
ஆயர் சிறுமிய ரோமுக்கு அறைபறை
மாயன் மணிவண்ணன் நென்னலே வாய்நேர்ந்தான்
தூயோமாய் வந்தோம் துயிலெழப் பாடுவான்
வாயால் முன்னம் முன்னம் மாற்றாதே அம்மாநீ!
நேய நிலைக்கதவம் நீக்கேலோர் எம்பாவாய்!(16)

அம்பரமே, தண்ணீரே, சோறே அறஞ்செய்யும்
எம்பெருமான்! நந்த கோபாலா! எழுந்திராய்!
கொம்பனார்க் கெல்லாம் கொழுந்தே! குலவிளக்கே!
எம்பெரு மாட்டி! யசோதாய்! அறிவுறாய்!
அம்பர மூடறுத் தோங்கி யுலகளந்த
உம்பர்கோ மானே! உறங்கா தெழுந்திராய்!
செம்பொற் கழலடிச் செல்வா! பலதேவா!
உம்பியும் நீயும் உறங்கேலோ ரெம்பாவாய்!(17)

உந்து மதகளிற்றன் ஓடாத தோள்வலியன்
நந்த கோபாலன் மருமகளே நப்பின்னாய்!
கந்தங் கமழும் குழலீ! கடை திறவாய்!
வந்தெங்கும் கோழி அழைத்தன காண்! மாதவிப்
பந்தல்மேல் பல்கால் குயிலினங்கள் கூவினகாண்
பந்தார் விரலியுன் மைத்துனன் பேர்பாடச்
செந்தாமரைக் கையால் சீரார் வளையொலிப்ப
வந்து திறவாய் மகிழ்ந்தேலோ ரெம்பாவாய்! (18)

குத்துவிளக்கெரியக் கோட்டுக்கால் கட்டில்மேல்
மெத்தென்ற பஞ்சசயனத்தின் மேலேறிக்
கொத்தலர் பூங்குழல் நப்பின்னை கொங்கைமேல்
வைத்துக் கிடந்த மலர்மார்பா! வாய்திறவாய்!
மைத்தடங் கண்ணினாய்! நீ உன்மணாளனை
எத்தனைபோதும் துயிலெழ ஒட்டாய்காண்
எத்தனையேலும் பிறிவாற்ற கில்லாயேல்
தத்துவமன்று தகவேலோ ரெம்பாவாய்!(19)

முப்பத்து மூவர் அமரர்க்கு முன்சென்று
கப்பம் தவிர்க்கும் கலியே துயிலெழாய்!
செப்பம் உடையாய்! திறலுடையாய்! செற்றார்க்கு
வெப்பம் கொடுக்கும் விமலா துயிலெழாய்!
செப்பென்ன மென்முலைச் செவ்வாய் சிறுமருங்குல்
நப்பின்னை நங்காய் திருவே துயிலேழாய்!
உக்கமுந் தட்டொளியும் தந்துன் மணாளனை
இப்போதே எம்மை நீராட்டேலோர் எம்பாவாய்!(20)

ஏற்ற கலங்கள் எதிர்பொங்கி மீதளிப்ப
மாற்றாதே பால் சொரியும் வள்ளல் பெரும்பசுக்கள்
ஆற்றப் படைத்தான் மகனே! அறிவுராய்!
ஊற்றமுடையாய்! பெரியாய்! உலகினில்
தோற்றமாய் நின்ற சுடரே! துயிலேழாய்
மாற்றார் உனக்கு வலிதொலைந்துன் வாசற்கண்
ஆற்றாது வந்துன் அடிபணியுமா போலே
போற்றியாம் வந்தோம் புகழ்ந்தேலோ ரெம்பாவாய்!(21)

அங்கண் மா ஞாலத்தரசர் அபிமான
பங்கமாய் வந்துநின் பள்ளிக் கட்டிற்கீழே
சங்கமிருப்பார் போல் வந்து தலைப்பெய்தோம்!
கிங்கிணி வாய்ச்செய்த தாமரைப் பூப்போலே
செங்கண் சிறிச்சிறிதே எம்மேல் விழியாவோ!
திங்களும் ஆதித்தியனும் எழுந்தாற் போல்
அங்கணிரண்டுங் கொண்டெங்கள் மேல் நோக்குதியேல்
எங்கள் மேல்சாபம் இழிந்தேலோ ரெம்பாவாய்!(22)

மாரிமலை முழைஞ்சில் மன்னிக் கிடந்துறங்கும்
சீரிய சிங்கம் அறிவுற்றுத் தீவிழித்து
வேரிமயிர் பொங்க வெப்பாடும் பேர்ந்துதறி
மூரி நிமிர்ந்து முழங்கிப் புறப்பட்டுப்
போதருமாப் போலே நீ பூவைப்பூவண்ணா! உன்
கோயில் நின்றிங்ஙனே போந்தருளிக் கோப்புடைய
சீரிய சிங்கா சனத்திருந்து யாம்வந்த
காரியமா ராய்ந்தருளேலோ ரெம்பாவாய்!(23)

அன்றிவ் வுலகம் அளந்தாய் அடிபோற்றி !
சென்றங்கு தென்னிலங்கை செற்றாய் திறல்போற்றி !
பொன்றச் சகடமுதைத்தாய் புகழ் போற்றி !
கன்று குணிலாவெறிந்தாய் கழல் போற்றி !
குன்று குடையாவெடுத்தாய் குணம் போற்றி !
வென்று பகைகெடுக்கும் நின்கையில் வேல் போற்றி !
என்றென்றும் சேவகமே யேத்திப் பறைகொள்வான்
இன்றுயாம் வந்தோம் இரங்கேலோ ரெம்பாவாய்!(24)

ஒருத்தி மகனாய் பிறந்து ஓரிரவில்
ஒருத்தி மகனாய் ஒளித்து வளரத்
தரிக்கிலானாகித் தான்தீங்கு நினைத்த
கருத்தைப் பிழைப்பித்துக் கஞ்சன் வயிற்றில்
நெருப்பென்ன நின்ற நெடுமாலே! உன்னை
அருத்தித்து வந்தோம் பறைதருதியாகில்
திருத்தக்க செல்வமும் சேவகமும் யாம்பாடி
வருத்தமும் தீர்ந்து மகிழ்ந்தேலோ ரெம்பாவாய்!(25)

மாலே! மணிவண்ணா! மார்கழி நீராடுவான்
மேலையார் செய்வனகள் வேண்டுவன கேட்டியேல்
ஞாலத்தையெல்லாம் நடுங்க முரல்வன
பாலன்ன வண்ணத்துன் பாஞ்ச சன்னியமே
போல்வன சங்கங்கள் போய்ப் பாடுடையனவே
சாலப் பெரும்பறையே பல்லாண் டிசைப்பாரே
கோல விளக்கே கொடியே விதானமே
ஆலினிலையாய்! அருளேலோ ரெம்பாவாய்!(26)

கூடாரை வேல்லுஞ் சீர்க் கோவிந்தா! உன்றன்னைப்
பாடிப்பறைகொண்டு யாம் பெறு சம்மானம்
நாடு புகழும் பரிசினால் நன்றாகச்
சூடகமே தோள்வளையே தோடே செவிப்பூவே
பாடகமே என்றனையப் பல்கலனும் யாமணிவோம்
ஆடையுடுப்போம் அதன் பின்னே பால்சோறு
மூடநெய் பெய்து முழங்கை வழிவாரக்
கூடியிருந்து குளிர்ந்தேலோ ரெம்பாவாய்!(27)

கறவைகள் பின்சென்று கானஞ் சேர்ந்துண்போம்
அறிவொன்று மில்லாத ஆய்க்குலத் துன்றன்னைப்
பிறவி பெறுந்தனைப் புண்ணியம் யாமுடையோம்
குறைவொன்றுமில்லாத கோவிந்தா! உன்றன்னோடு
உறவேல் நமக்கிங்கு ஒழிக்க ஒழியாது
அறியாத பிள்ளைகளோம் அன்பினாலுன்றன்னைச்
சிறுபேரழைத்தனவுஞ் சீறியருளாதே
இறைவா நீ தாராய் பறையேலோ ரெம்பவாய்!(28)

சிற்றஞ் சிறுகாலே வந்துன்னைச் சேவித்துன்
பொற்றாமரையடியே போற்றும் பொருள் கேளாய்
பெற்றம் மேய்த்துண்ணும் குலத்தில் பிறந்துநீ
குற்றேவல் எங்களைக் கொள்ளாமல் போகாது.
இற்றைப் பறைகொள்வான் அன்றுகாண் கோவிந்தா!
எற்றைக்கும் ஏழேழ் பிறவிக்கும் உன்றன்னோடு
உற்றோமே யாவோம் உனக்கே நாமாட்செய்வோம்
மற்றை நங்காமங்கள் மாற்றேலோ ரெம்பாவாய்!(29)

வங்கக் கடல்கடைந்த மாதவனைக் கேசவனைத்
திங்கள் திருமுகத்துச் சேயிழையார் சென்றிறைஞ்சி
அங்கப்பறை கொண்டவாற்றை யணி புதுவைப்
பைங்கமலத்தண்தெரியல் பட்டர்பிரான் கோதை சொன்ன
சங்கத்தமிழ்மாலை முப்பதுந் தப்பாமே
இங்கிப்பரிசுரைப்பார் ஈரிரண்டுமால் வரைத்தோள்
செங்கண் திருமுகத்துச் செல்வத் திருமாலால்
எங்கும் திருவருள் பெற்றின்புறுவர் எம்பாவாய்!(30)

மார்கழித் திங்கள், திருப்பாவை.

2008-12-17T12:51:00.004+05:30

மார்கழித் திங்கள்

மார்கழித் திங்கள்--மார்கழி மாதத்தினை "தனுர்" மாதம் என்றும் சொல்வார்கள். சூரியன் அந்த மாதத்தில் தனுர் ராசியில் பிரவேசிப்பதால் இந்த பெயர் ஏற்பட்டது.

மாதங்களுள் நான் மார்கழி என்று அர்ச்சுனனிடம் கிருஷ்ணர் கூறியதாக பகவத் கீதை தெரிவிக்கிறது.

குருசேத்திரப் போர் நடந்ததும் பகவத் கீதை பிறந்ததும் இந்த மார்கழியில் தான்.

மார்கழி மாதத்தில் தான் சிதம்பரம் நடராஜ பெருமான் ஐந்து தொழில்களையும் புரிகிறார். இந்த மாதத்தில் தான் அங்கு நடைபெறும் ஆருத்ரா தரிசனமும் பூலோக வைகுண்டம் என்று போற்றப்படும் ஸ்ரீ ரங்கம்கோவிலில் நடைபெறும் வைகுண்ட ஏகாதசி விழாவும் சிறப்பு பெற்றவை.

மார்கழி மாதம் பல பெருமைகள் பெற்றது. சுவாமி ஐயப்பன், ஆஞ்சநேயர் ஆகியோர் பிறந்தது இந்த மாதத்தில்தான். திருப்பாற்கடலை தேவர்களும் அசுரர்களும் கடைந்து மகாவிஷ்ணுவை லக்ஷ்மி மணந்ததும் இந்த மார்கழியில் தான்.

இந்த மாதம் முழுவதும் அனைத்து கோவில்களிலும் விடியற்காலை நான்கு மணிக்கே பக்தி பரவசமூட்டும் பாடல்களை ஒலிக்கச் செய்து நம்மை எல்லாம் திருப்பள்ளி எழுச்சி எழ வழி செய்கின்றனர்.

இந்த மாதம் முழுவதும் காலையில் எழுந்து நீராடி ஒரு நாளைக்கு ஒரு திருப்பாவைப் பாடலை பாடி நாராயணனை வழி பட்டுவந்தால் நமக்கு அத்தனை சிறப்புகளும் கிட்டும் என்கிறது திருப்பாவை.

குளிர்காலத்தில் நன்றாக போத்திக் கொண்டு தூங்கும் நண்பர்கள் இந்த மாதத்திலாவது எழுந்து உற்சாகமாக தங்களது உடல் நலத்தை பேணுவதற்கு ஒரு நல்ல சந்தர்ப்பம் என்றே தோன்றுகிறது.

சென்னை கிரிக்கெட்

2008-12-15T19:01:00.005+05:30

சென்னை கிரிக்கெட்

சென்னை கிரிக்கெட்--இந்திய
மண்ணில் பெற்ற இந்த மட்டைப்பந்து போட்டி மிகவும் விறுவிறுப்பாக இருந்தது. ஆம். சென்னையில் நடந்த இந்த போட்டி மிகவும் முக்கியத்துவம் வாய்ந்தது ஆகும் ஏனெனில் 387 ஓட்டங்கள் என்பது இதுவரையிலும் யாரும் இலக்காக கொண்டு வெற்றி பெறவில்லை.

முதல் இன்னிங்க்சில் தோல்வியைத் தழுவும் வகையில் அமைந்த இந்தியா மிக அபாரமாக வீறுகொண்டு எழுந்து இங்கிலாந்தை வீழ்த்தி சாதனை படைத்துள்ளது.

63 பந்துகளில் 85 ஓட்டங்கள் எடுத்த சேவாக் ஆட்ட நாயனாக தேர்ந்தெடுக்கப்பட்டார். டெண்டுல்கர் மிக அபாரமாக விளையாடி சென்னை ரசிகர்களுக்கு அருமையான விருந்து அளித்தார். செப்பக்கில் விளையாடி தனது 41 ஆவது சதத்தை எடுத்தார்.

மொத்தத்தில் இந்த ஆட்டம் கண்ணுக்கு விருந்தாக அமைந்தது என்றால் அது மிகையாகாது.

சச்சின் டெண்டுல்கர் தனது சதத்தை மும்பை குண்டு வெடிப்பில் பலியானவர்களுக்கு காணிக்கையாகுவதாக தெரிவித்து தனது நிலையை மேலும் உயர்த்திக் கொண்டார்.

இது தவிர இந்திய மட்டைப்பந்து வாரியம் குண்டு வெடிப்பில் தியாகம் செய்த காவல் துறை அதிகாரிகளுக்கு மூன்று கோடி ரூபாய் வழங்குவதாக கூறி மக்கள் மனதில் நல்லதொரு இடம் பிடித்துள்ளது. எனக்கு இன்று இதன்மூலம் மட்டடற்ற மகிழ்ச்சி. ஒன்று நல்ல ஆட்டத்தை பார்த்து, சச்சின் தந்து 41 ஆவது சதத்தை அடித்தது. மட்டைபந்து வாரியத்தின் அறிவிப்பு என் மகிழ்ச்சி மேல் மகிழ்ச்சி. வாழ்க மட்டைபந்து விளையாட்டு.

ஆசிட் வீசியவர்கள் சுட்டுக் கொலை

2008-12-13T14:30:00.001+05:30

ஆசிட் வீசியவர்களை காவல்துறையினர் என்கௌன்டரில் சுட்டுக்கொன்றனர்.
ஆந்திர மாநில வாரங்கல் என்ற நகரில் கல்லூரி மாணவிகள் இருவர் இரு சக்கர வாகன வண்டியில் சென்று கொண்டிருந்தபோது ஒருதலைக் காதல் காரணமாக மாணவி சுவப்நீகா மீது ஆசிட் வீசியுள்ளார் ஒரு மாணவர். இந்த தாக்குதலால் மிகுந்த கவலைக்கு இடமாகிஉள்ள இந்த மாணவி வாக்குமூலம் அளித்துள்ளார்.

குற்றம் சாட்டப்பட்ட மூன்று மாணவர்களை காவல்துறை நேற்றே கைது செய்து விட்டது. இன்று அந்த மாணவர்களை சம்பவம் நடந்த இடத்திற்கு அழைத்து சென்று விசாரணை மேற்கொண்டபோது கைது செய்யப்பட மூன்று மாணவர்களும் காவல் துறையினரை தாக்க முற்பட்டதாகவும் அந்த சண்டையில் காவல்துறை மூன்று மாணவர்களையும் என்கௌன்டரில்(enounter) சுட்டு விட்டதாக காவல் துறை தெரிவித்துள்ளளது.

மாணவர்கள் காவல் துறையினரை தாக்க முற்பட்டார்களா இல்லையா என்பது இப்போது முக்கியமில்லை. தவறு செய்தவர்களுக்கு இது சரியானதுதான் ஆனால் ஆசிடால் முகம் வெந்து கண்களை பறிகொடுத்து உயிருக்காக போராடிக் கொண்டிருக்கும் அந்த மங்கை பட்டுக்கொண்டிருக்கும் துயரை போக்க முடியுமா ? அவரை பெற்றவர்கள் கண்ட கனவு மற்றும் பெற்றோர்கள் பெறப்போகும் துயரை யாரால் துடைக்கமுடியும்.

வாலிபர்களே சற்று நிதானத்துடன் நடந்துகொண்டால் என்ன.

இளைய சமுதாயமே பொறுப்புடன் நடந்துகொள்ளுங்கள்.

உலக அழகிப்போட்டி 2008

2008-12-13T12:21:00.004+05:30

உலக அழகிப்போட்டி-2008

உலக அழகிப்போட்டி-2008--இந்த ஆண்டின் உலக அழகியை தேர்ந்தெடுக்கும் போட்டி இன்று இரவு இந்திய நேரப்படி 8-30 மணி அளவில் தென் ஆப்பிரிக்க நாட்டின் JOHENNESBURG நகரில் நடைபெற உள்ளது.

இந்த போட்டியில் இந்திய அழகியான பார்வதி ஓமனகுட்டன் கலந்துகொள்ள உள்ளார். இவர் இந்த போட்டியில் உலக அழகியாக தேர்ந்தெடுக்க நிறைய வாய்ப்புகள் உள்ளதாக கருதப்படுகிறது.

21 வயதாகும் பார்வதி ஓமனக்குட்டன் கேரளா மாநிலத்தை சார்ந்தவர்.

இவர் தேர்ந்தெடுக்கப்பட்டால் இந்திய நாட்டின் ஆறாவது உலக அழகி பட்டத்தை பெறுபவர் என்ற பெருமையைப் பெறுவார். இதுவரை REITA FARIA, AISHWARYA RAI, PRIYANKA CHOPTRA, DIANA HAYDEN, மற்றும் YUKTA MOOKHEY ஆகியோர் உலக அழகிப் பட்டம் பெற்று இந்தியாவிற்கு பெருமை சேர்த்துள்ளனர்.

இந்த போட்டியினை ZEE CAFE நேரடியாக ஒளிபரப்ப உள்ளது.

காவல் துறையின் மீது ஏன் இவ்வளவு வெறுப்பு ?

2008-12-11T10:11:00.004+05:30

காவல் துறையின் மீது ஏன் இவ்வளவு வெறுப்பு ?

காவல் துறையின் மீது ஏன் இவ்வளவு வெறுப்பு--என்னதான் பெரிய மட்டைபந்து வீரராக இருந்தாலும் தன் பொறுப்பு உணர்ந்து செயல்படா விட்டால் என்ன மனிதன் இவன். சென்னையில் உள்ள நட்சத்திர விடுதியில் தங்கி இருந்த ஜாகிர் ஹுசைனைப் பார்க்க அவரது நண்பர் குமரன் என்ற முன்னாள் மட்டைப்பந்து வீரர் வந்துள்ளார். ஏற்கனவே மும்பை தாக்குதலினால் பதட்டத்துடன் உள்ள காவல் துறை தனது கடமையை சரியாக ஆற்றும்பொருட்டு மூன்றடுக்கு பாதுகாப்பு ஏற்பாடு செய்துள்ளதால் குமரன் என்பவரின் பெயர், வருகைதரவுள்ள பெயர்ப்பட்டியலில் இல்லாததால் ஜாகிர் ஹுசைனைப் பார்க்க அனுமதிக்கவில்லை.

வந்திருந்த குமரன் ஜாகிர் ஹுசைனிடம் கைபேசியில் விவரத்தை தெரிவிக்க ஆத்திரம் அடைந்த ஜாகிர் ஹுசைன் பணியிலிருந்த துணை ஆணையரிடம் கத்திபேசி சத்தம்போட்டுவிட்டு அவரது நண்பரை பாதுகாப்பு எல்லைக்குள் அளித்து சென்றுள்ளார். காவல்துறை தனது பணியை செய்யவிடாமல் வந்திருந்த விருந்தினரை தனதுஅறைக்குள் அழைத்து சென்றுள்ளார் ஜாகிர்.

காவல்துறை பாதுகாப்பு கருதியே இவ்வாறு நடந்துள்ளது என்று தெரிவித்தும் இந்த மூத்த மட்டைப்பந்து வீரர் நடந்துகொண்ட விதம் சரியல்ல என்றே எனக்கு தோன்றுகிறது.

இது குறித்து காவல்துறை அலுவலர் அங்குள்ள காவல் நிலையத்தில் புகார் அளித்து விவரத்தை மாநகர் ஆணையருக்கும் தெரிவித்துள்ளார். இந்த புகாரின் அடிப்படையில் அகில இந்திய மட்டைப்பந்துவாரியத்திற்கு ஜாகிர் ஹுசைன் மீது தகுந்த நடவடிக்கை எடுக்கக் கோரி கடிதம் எழுதப்பட்டுள்ளது என செய்திகள் தெரிவிக்கின்றன.

பொறுப்பற்ற முறையில் நடந்துகொண்டதுமட்டுமல்லாது ஒரு காவல் துறை அலுவலரிடம் முறையற்ற முறையில் கத்தி பேசிய ஜாகிர் ஹுசைன் மீது அகில இந்திய மட்டைபந்து வாரியம் தகுந்த நடவடிக்கை எடுத்தால்தான் அவமானத்திற்கு ஆளாக்கப்பட்ட அலுவலர் சற்று மன நிம்மதி அடைவார் என் நான் நம்புகிறேன்.

ஷா ருக் கான் பெற்ற விருது

2008-12-07T11:19:00.002+05:30

ஷா ருக் கான் பெற்ற விருது

ஷா ருக் கான் பெற்ற விருது--மலேசிய அரசு இந்தியாவின் சூப்பர் ஸ்டார் ஷா ருக் கான் அவர்களுக்கு டாடக் (DATUK) என்ற விருது வழங்கி பெருமை செய்துள்ளது . இந்த விருதினைப் பெரும் முதல் அயல் நாட்டு நடிகர் என்ற பெருமையைப் பெற்றுள்ளார் இவர்.

இந்த விருது பிரிட்டனில் வழங்கப்படும் Knighthood என்ற விருதிற்கு சமமானது ஆகும். இந்த விருது பெற்றதனால் இனி இவர் DATUK shaahrukh khaan என்று அழைக்கப்படுவார்.

அரசு துறையிலோ அல்லது மற்ற துறைகளிலோ சிறப்பாகப் பணியாற்றும் மலேசிய குடிமக்களே இதுபோன்ற பெருமை பெற்றவர்களுள் பெரும்பான்மையினர். ஷா ருக் கான் அவர்களின் ஆறு படங்கள் இந்த வரலாற்று மிக்க நாட்டில் படமாக்கப்பட்டத்னால் இது அந்நாட்டின் சுற்றுலாவை பெருமளவிற்கு பெருக்கியுள்ளதாக கூறப்படுகிறது. மலாக்காவில் படமாக்கப்பட்ட இவருடைய படத்தின் பெயர் ஒன் டு கா போர் . அண்மையில் UNESCO இந்த மலாக்கா நகரை வரலாறுமிகுந்த நகரமாக அறிவித்துள்ளது.

மீண்டும் ஒரு புயல்

2008-12-05T19:22:00.003+05:30

மீண்டும் ஒரு புயல்

மீண்டும் ஒரு புயல்--நிஷா என்ற புயலால் இன்னமும் மீளாத தமிழகம் மீண்டும் ஒரு புயலை சந்திக்க தயாராகிக்கொண்டு இருக்கிறது. சென்னையில் ஏற்கனவே பெய்த மழை நீர் இன்னமும் வடியாமல் உள்ள நிலையில், வானிலை ஆராய்ச்சி நிலையம் தரும் செய்தி சென்னை மக்கள் அடி வயிற்றில் புளியைக் கரைப்பதாக உள்ளது.

பல ஆண்டுகளுக்கு முன்னர் கூறப்பட்ட வானிலை செய்திகளுக்கும் தற்போதைய செய்திகளுக்கும் நிறைய முன்னேற்றங்கள் உள்ளன. முன்பெல்லாம் மழை வரும் என்றால் ஒருவேளை வந்தால்தான் வரும் இப்போது அப்படி இல்லை . வரும் என்றால் வந்தே தீரும் என்ற அளவிற்கு அறிவியல் வளர்ச்சி.

வானிலை ஆராய்ச்சி நிலய இயக்குனர் நாளை இரவுமுதல் மலை பெய்யும் என்ற செய்தியை தெரிவித்து உள்ளார். சென்னையில் வாழும் மக்கள், குறிப்பாக சென்னைக்கருகே சுற்றுபுறங்களில் வாழ்பவர்கள் மிகுந்த முன்னேற்பாடுடன் இருக்கவேண்டும்.

இந்த வானிலை முன்னெச்சரிக்கை சரியாக இல்லாமற்போக வேண்டும் என்பது தான் எனது ஆவல். ஏற்கனவே பெய்த மழை காரணமாக ஏரிகள் எல்லாம் நிரம்பி உபரி தண்ணீர் திறந்துவிட்டுள்ள நிலையில் இனி சென்னைக்கு இந்த ஆண்டு மழை வேண்டாம் என்று வருணபகவானிடம் அனைவரும் கோரிக்கை வைப்போம்.

பெட்ரோல் விலை

2008-12-05T17:56:00.003+05:30

பெட்ரோல் விலை ஒரு வழியாக குறைந்தது

பெட்ரோல் விலை உயர்வு என்றால் உடனே அமுல் படுத்தும் அரசு கச்சா எண்ணை விலை குறைந்து நீண்ட நாட்கள் ஆகியும் அரசு பாரா முகமாக இருந்தது. சில அரசியல் கட்சிகள் இதற்காக போராட்டமும் செய்தன.

தற்போதுதான் அரசுக்கு மனம் வந்துள்ளது. இதன்படி இன்று நள்ளிரவு முதல் (5-12-2008) பெட்ரோல் விலை லிட்டருக்கு ரூபாய் ஐந்தும் டீசலுக்கு ரூபாய் இரண்டும் குறைத்து அரசு தெரிவித்துள்ளது.

இன்னும் கொஞ்சம் அதிக நேரம் வண்டியில் சுற்றலாம் என என்னும் ஜாலிப் பேர்வழிகளுக்கு சந்தோசம்தான். என்னைபோன்ற குடும்பஸ்தர்களுக்கு ஒரு செலவில் சற்று குறைவு. இதுவும் மகிழ்ச்சிதான் .

பிரபு தேவா அவர்களின் மகன்

2008-12-05T14:56:00.003+05:30

பிரபு தேவா அவர்களின் மகன்

பிரபு தேவாவின் மகன் விஷால் புற்று நோயால் இறந்து விட்டான் என்ற செய்தி கேட்டு மனம் ஒடிந்து இந்த பதிவை எழுதுகிறேன். பெற்றவர்களுக்குத்தான் பிள்ளை பாசம் தெரியும் என்பார்கள். எவ்வளவு கஷ்டப்பட்டு சுமந்தாளோ அவன் தாய். என்ன என்ன கற்பனையோடு வளர்த்தார்களோ அவனை. பிறக்காமல் இருந்திருந்தால் பிள்ளை இல்லை என்ற வருத்தம் பெற்ற பிள்ளையை நமக்கு முன்னரே நமனுக்கு அளித்தால் அதைபோல ஒரு பெரிய துன்பம் வேறு ஒன்று இருக்க முடியுமா?

கருவுற்றபோது அதுவும் முதல் குழந்தை என்றால், எவ்வளவு ஆனந்தம் பெற்றிருப்பாள் தாய். தாயின் சந்தோசத்தை தந்தையும் பகிர்ந்துகொண்டு ஆனந்தம் பெற்றிருப்பார்கள்.

உலகில் பெற்ற பிள்ளையை சாகக் கொடுக்கும் சோகத்தைப் போன்றதொரு சோகம் வேறு இந்த உலகில் இல்லை என்றேதான் கூறவேண்டும். பெற்றோர்கள் மனதில் இருந்து இந்த சோகம் தொலையாது. பெற்றோர்கள் சாகும் வரை தன் மனதில் இந்த துயரை தாங்கி தினம் தினம் வேதனையில் வாழ்வது என்பதுதான் இந்த பெற்றோர்களின் வரும்கால வாழ்க்கையோ. அந்தப் பிள்ளையுடன் வாழ்ந்த வினாடிகள், நிமிடங்கள், நாட்கள். வாரங்கள், மாதங்கள் மற்றும் வருடங்கள் அனைத்தும் அவனுடன் தொலைந்துபோய் விட்டால் மறந்து வாழலாம் அப்படி இல்லையே. மனித மனம் மறப்பதற்கு மறுக்கும் என்ன செய்ய.

எத்தனையோ பெற்றோர்கள் இந்த உலகத்தில் இந்த மாதிரியான சோகத்தில் வாழுகின்றனர். வெளியில் சொல்ல முடியாத வேதனையுடன் வாழும் இது போன்ற பெற்றோர்களுக்கு காலம்தான் பதில் சொல்லி ஆறுதல் அளிக்கவேண்டுமே அன்றி வேறு யாராலும் இந்த சோகத்திற்கு ஆறுதல் அளிக்க முடியாது. அனுபவித்தவன் என்ற முறையில் எனக்குள் ஏற்பட்ட இந்த வேதனையை உங்களுடன் பகிர்ந்துகொண்டேன்.

விஷாலைப் பிரிந்து வாடும் பிரபு தேவா அவர்களுக்கும், அவர்தம் குடும்பத்தாருக்கும் எனது மற்றும் உங்களது ஆழ்ந்த அனுதாபங்களை தெரிவித்துக்கொள்வோம்.

ஹைதராபாத்

2008-11-28T14:02:00.003+05:30

ஹைதராபாத்

ஹைதராபாத்--மும்பை குண்டு வெடிப்பு நாற்பது மணி நேரத்திற்கும் மேலாக நீடித்துக் கொண்டுள்ள இந்த நிலையில், தீவிரவாதிகளின் பிடியில் இன்னமும் நூறுக்கும் மேற்பட்டோர் பிணைக் கைதிகளாக உள்ளனர்.

இந்த குண்டு வெடிப்பிற்கு முக்கிய காரணமாக கூறப்படும் செய்தி என்னவெனில், ஹைதராபாதை காஷ்மீர் போன்று ஆக்க வேண்டும் என்ற செய்தி.

இந்தியா சுதந்திரம் அடைந்தபோது ஹைதராபாத் தனி மாநிலமாக நிஜாமின் கீழ் தனியாக இருந்து உள்ளது. அப்போது ஹைதராபாதிற்கும் சுதந்திரம் கோரப்பட்டதாகவும் ஆனால் அது மறுக்கப்பட்டதாகவும் ஒரு செய்தி.

இந்த குண்டு வெடிப்பிற்கு கூறப்படும் மேலும் ஒரு காரணம். மும்பையில் வாழும் யூதர்களை கொல்வதற்காக இந்த குண்டு வெடிப்பு ஏற்படுத்தப்பட்டுள்ளதாக தெரிய வருவதாக சன் செய்திகளைக் கேட்டபோது ஒரே அதிர்ச்சி.

ஆட்டைக் கடித்து மாட்டைக் கடித்து கடைசியில் மனிதனைக் கடிப்பது போன்று உள்ளது இந்த கோரிக்கை. ஹைதராபாதை ஒரு தனி மாநிலமாக கோரி இந்த கோரிக்கை உலக நாடுகளுக்கு எட்ட வேண்டும் என்ற எண்ணத்துடன் இந்த குண்டு வெடிப்பினை டெக்கான் முஜைதீன் என்ற அமைப்பு செய்துள்ளது என்ற இந்த தகவலால் அதிர்ந்து போய் உள்ளேன்.

நன்றி: சன் செய்திகள்

"நிஷா" புயல்

2008-11-26T16:03:00.003+05:30

இன்றுமாலை கரையைக் கடக்கும் "நிஷா" புயல்.

வங்க கடலில் மையம் கொண்டுள்ள புயலுக்கு இட்டுள்ள பெயர்தான் "நிஷா". இந்த புயல் காரணமாக நாகை மாவட்டத்தில் மற்றும் கடலூர் மாவட்டத்தில் கடல் சீற்றத்துடன் உள்ளது. இந்த புயல் இன்று மாலை கரையைக் கடக்கும் என்று எதிர்பார்க்கப் படுகிறது. இந்த புயல் காரணமாக சூறாவளிக் காற்று வீசிக் கொண்டு இருப்பதாக வானிலை மையம் தெரிவித்துள்ளது . இந்த புயல் தற்போது (மாலை நான்கு மணி) நாகையை நெருங்கி உள்ளது.

இதன் காரணமாக நாளையும் இந்த இரு மாவட்டங்களில் உள்ள பள்ளிகளுக்கு விடுமுறை அறிவிக்கப் பட்டுள்ளது.

உலகின் மிக எடை குறைந்த மிதி வண்டி

2008-11-24T13:13:00.001+05:30

உலகின் மிக எடை குறைந்த மிதி வண்டி

உலகின் மிக எடை குறைந்த மிதி வண்டி--இது குறித்து இன்றைய இந்து பத்திரிக்கையில் செய்தி வந்துள்ளது . இதன் எடை 5.8 கிலோக்ராம் என்றும் இது பத்து வேக கியர் பெட்டி பொருத்தப்பட்டுள்ளது என்றும் குறிப்பிடப்பட்டுள்ளது. நாகானோ என்ற ஜப்பானிய நகரில் இந்த மிதி வண்டி விற்பனை செய்யப்பட்டது என்ற செய்தியைப் பார்த்த நான் ஆவலுடன் இது குறித்து மேலும் சில தகவல்களை சேகரிக்கலாம் என்ற ஆர்வத்துடன் இணைய தளத்தை தேடியதில் ஆச்சரியம் காத்திருந்தது.

இதன் விலை எவ்வளவு இருக்கும் என்று உங்களால் யூகிக்க முடியுமா ? எவராலும் முடியாது. நமது நாட்டை பொறுத்தமட்டில் வசதி குறைந்தவர்கள் மட்டுமே மிதி வண்டிகளை வாங்குவது வழக்கம். ஆனால் இந்த மிதி வண்டியை வாங்க வேண்டுமானால் நாம் கோடீஸ்வரனாக இருக்கவேண்டும். ஆம் அவ்வளவு விலை. ஒரு மிதி வண்டியின் விலை 2.5. இலட்சங்கள் ரூபாய் ஆகும்.

எவ்வளவுதான் வசதிகள் இந்த மிதிவண்டியில் இருந்தாலும் சாமானியர்களால் வாங்க முடியாத இந்த மிதி வண்டியை நாம் ஒதுக்கி தான் வைக்கவேண்டும்.

இந்த சைக்கிள் குறித்து மேலும் விவரங்கள் பெற கீழ்க்கண்ட தளத்தில் முழு விபரங்களை நீங்கள் அறியலாம்.

ஹிந்துஸ்தான் டைம்ஸ்.

ரஜினி பிறந்த நாள்

2008-11-18T18:08:00.003+05:30

ரஜினி பிறந்த நாள்--அடுத்த மாதம் பதின்மூன்றாம் தேதியன்று பிறந்த நாள் காணவிருக்கும் நடிகர் ரஜினி காந்த் அவர்கள் தனது பிறந்த நாளை ரசிகர்கள் எவரும் கொண்டாட வேண்டாம் என வேண்டு கோள் விடுத்துதுள்ளதாக, ரசிகமன்றத்தின் புதிய தலைவரான சுதாகர் தெரிவித்துள்ளார்.

இலங்கையில் நடைபெற்று வரும் போர் காரணமாக ஒவ்வொரு தமிழனின் இதயமும் காயப்பட்டுள்ள இந்த நிலையில் தனது பிறந்த நாளை கொண்டாட வேண்டாம் என்று தனது நிலைப்பாட்டை தெரிவித்துள்ளார். இந்த அறிவிப்பினால் போர் நிறுத்தம் ஏற்பட்டால் தனக்கு மகிழ்ச்சி என்றும் தெரிவித்துள்ளார்.

இதே போன்ற வேண்டுகோளை உலக நாயகன் கமல் ஹாசன் தெரிவித்துள்ளது குறிப்பிடத் தக்கது.

இவ்வாறு தெரிவித்து தங்களது ஆழ்ந்த துயரை தெரிவித்துள்ள இரு பெரும் நடிகர்களுக்கு எனது மனமார்ந்த பிறந்த நாள் வாழ்த்துக்கள். துயர் விரைவில் நீங்கட்டும்.

அடுத்த ஆண்டாவது இவர்கள் பிறந்த நாள், கொண்டாடும் வகையில் அமையட்டும்.

மீரட் அழகி - கொலையாளி ஆனாள்.

2008-11-18T17:16:00.003+05:30

மீரட் அழகி - கொலையாளி ஆனாள்.

2005 ஆம் ஆண்டு நடைபெற்ற அழகி போட்டியில் மிஸ் மீரட் என்ற பட்டத்தை வென்ற பிரியங்கா என்பவர் தனது பெற்றோர்களை கொலை செய்துள்ளார் என்பது இன்றையச் செய்தி.

தான் அவமானத்தின் எல்லைக்கு தள்ளப்பட்டுவிட்டதாகவும் தனக்குரிய உறவுமுறை அங்கீகாரம் கிடைக்கப்பெறவில்லை என்பதுதான் இந்த கொலைக்கு முக்கிய காரணமாக கூறப்படுகிறது. மேலும் தான் விரும்பிய படிப்பினை படிக்கவைக்க உதவவில்லை என்றும் கூறியுள்ளார்.

தப்பாக பிறந்த குழந்தை என்று தன்னையும் தன் சகோதரனையும் ஒதுக்கி வைத்து விட்டதாக முன்னாள் அழகி தெரிவித்துள்ளார். தன் தாயிடம் ஏற்பட்ட கருத்துவேறுபாடு காரணமாக தனது தாயை முதலில் கத்தியைக் கொண்டு கழுத்தை அறுத்துள்ளார். கூக்குரல் கேட்டு வந்த தனது தந்தையையும் கத்தியைக் கொண்டு கழுத்தை கிழித்துள்ளார். அதன்பின் பணம், முக்கிய பொருட்கள், பத்திரங்கள் முதலியவற்றை எடுத்துக் கொண்டு ஓடிவிட்ட அந்த அழகியை தற்போது காவல் துறை கைது செய்து அவரிடம் இருந்து பொருட்கள் அனைத்தையும் கைப்பற்றியுள்ளது.

பெற்றோரை கொலை செய்யும் அளவிற்கு தூண்டியது பெற்றோர்கள் தான் என்ற
அவரது வாதம் மிக வருந்த தக்கதாக உள்ளது.

நேற்று காலை கைது செய்யப்பட அவரிடம் விசாரணை நடந்து வருவதாக செய்திகள் கூறுகின்றன.

நெஞ்சு பொறுக்குதில்லையே

2008-11-18T15:43:00.003+05:30

நெஞ்சு பொறுக்குதில்லையே

நெஞ்சு பொறுக்குதில்லையே--நானும் என் மனைவியும் சென்னையில் இருந்து திருச்சி சென்று உறவினர்களை பார்த்துவிட்டு சென்னைக்குத் திரும்பினோம்.
எப்போதுமே ஆட்டோவில்தான் புகைவண்டி நிலையம் செல்வது - திரும்பும் போதும் ஆட்டோவில்தான் வீடு திரும்புவது வழக்கம்.

சுமை அதிகம் இல்லாத காரணத்தால் ஏன் பேருந்தில் வீடு திரும்பக்கூடாது என்று நானும் என் மனைவியும் யோசித்தோம். சென்னைக்கு வந்து நாற்பது வருட காலத்தில் எப்போதும் எழும்பூர் புகைவண்டி நிலையத்தில் இருந்து வீட்டிற்கு ஆட்டோவில் தான் செல்லவேண்டும் என்பது ஓர் பழக்கம்.

எனக்கு சென்னையில் இறங்கியதும் இந்த ஆட்டோக்கர்ரர்களை பார்த்தாலே பொதுவாக அநியாயமாக் கூலி கேட்பவர்கள் என்றே என் மனது கூறிவிடும்.
காலைக் கருக்கலில் விடிந்தும் விடியாமலும் இருக்கும் நல்ல பொழுதில் மனதில் நாமாகவே ஒரு துன்பத்தை வரவழைத்து ஒருவித சுமையை ஏன் சுமக்கவேண்டும் என்றே எப்போதும் இருக்கும். சில நல்ல ஓட்டுனர்கள் மிகச் சரியான் கூலி கேட்டு பயணித்ததும் உண்டு.

இன்று பேருந்தில் செல்வது என்று முடிவு செய்து எழும்பூரில் இருந்து அண்ணா சாலையில் எல் ஐ சி நிறுத்தத்தில் இறங்கி மற்றொரு பேருந்துக்காக
நின்றபோது நாம் சரியான பேருந்து நிறுத்தத்தில் தான் நிற்கிறோமா என்பதை உறுதி செய்யும் பொருட்டு அங்கிருந்த வழித் தடம் குறித்த பலகையினை பார்க்க முற்பட்டேன். அழகாக தெளிவாக அனைத்து விவரங்களும் கொண்ட அந்த சிறு பலகையில், அந்த பலகை முழுவதும் மறைக்கும் முகமாக தனியார் சிலர் தங்களது வியாபார சுவரொட்டியை அதில் ஒட்டி உள்ளனர். எனக்கு நல்ல அறிமுகமான இடம் என்பதால் எனக்கு சரியான பேருந்தை பிடிப்பதற்கு எந்த சிரமமும் தெரியவில்லை. புதிதாக சென்னை வருபவர்கள் எவ்வாறு தங்களது பேருந்து தடத்தை எவ்வாறு கண்டுகொள்ள முடியும்.

எனக்கு வந்த கோபத்தில் அந்த சுவரொட்டியை கிழிக்க முற்பட்ட பொது பார்த்தால்
பிய்க்க முடியாத அளவிற்கு பசை கொண்டு ஒட்டியுள்ளனர்.

வியாபாரிகள் தங்களது விளம்பரத்தை எவ்வாறு செய்யவேண்டும் என்ற அடிப்படை அறிவே இல்லாமல் இருக்கிறார்களே என என் மனம் கோபம் கொண்டு எழுந்தது.

இவ்வாறு செய்பவர்களுக்கு தகுந்த தண்டனை கொடுத்தால் தான் மற்றவர்கள் சரியாக செயல்படுவார்கள் என்பது எனது ஆழ்ந்த நம்பிக்கை.

சென்னை சட்டக்கல்லூரி மாணவர்கள் கொடூரம்

2008-11-13T12:10:00.003+05:30

சென்னை சட்டக்கல்லூரி
சென்னை சட்டக்கல்லூரி--நேற்று இரவு செய்தி ஒளிபரப்பும் தொலைக்காட்சி ஒன்றை பார்க்க முற்பட்ட போது, ஒரு மனிதனை ஒன்றுக்கும் மேற்பட்டவர்கள் உருட்டுக்கட்டை கொண்டு அடித்துக்கொண்டு இருந்த காட்சியினைப் பார்த்து அதிர்ந்து எந்த ஊரில் இவ்வாறு ஒரு காட்டுமிராண்டிதனமான நிகழ்வு நடை பெறுகிறது என்று செய்தி வாசிப்பவரின் வார்த்தைகளை எதிர்பார்த்து இருந்த எனக்கு மிகவும் அதிர்ச்சி. சென்னை சட்டக்கல்லூரி மாணவர்களுக்குள் ஏற்பட்ட கருத்து வேறுபாடு காரணமாக இந்த கொடூரம் நடந்துள்ளது.

படித்து வழக்கறிஞர்களாக வரவேண்டிய மாணவர்கள் இவ்வாறு குற்றவாளிகளாக கொடூரர்களாக நடந்து சட்டத்திற்கே அவமானம் ஏற்படுத்திஉள்ளனர்.

இதில் மிகவும் வருந்தவேண்டியது என்னவெனில் காவல் அதிகாரிகள் கண் முன்பே இவ்வாறு நடந்து உள்ளது, இதை வீடியோவும் காட்சி எடுத்துக் கொண்டு இருந்தது தான் இதில் மிக துர்பாக்கியம் . காவல் துறை தனது கடமையினை செய்ய தவறி விட்டதாகத்தான் உள்ளது.

அடிபட்ட மாணவர் மருத்துவமனையில் உயிர் காக்கும் இயந்திரம் மூலம் சிகிச்சை பெற்று வருகின்றான்..இவரது பெற்றோர்கள் அழுத காட்சி மனதை உருக்குவதாக இருந்தது.

கடமையில் இருந்து தவறிய சில காவல் துறை அதிகாரிகள் தற்காலிக பணி நீக்கம் செய்யப்பட்டுள்ளனர், சிலர் இட மாற்றம் செய்யப்பட்டு உள்ளனர். இது போதுமா ?
காவல் துறை ஏன் இவ்வாறு கண்டுகொள்ளாமல் இருந்து மனித உயிரை போக்கும் அளவிற்கு துணை புரிந்தது என்பது புதிராக உள்ளது.

மாணவர்களே நீங்கள் இந்த நாட்டின் வருங்கால தூண்கள் - உங்களை நம்பி இருக்கும் நாட்டில், உங்களுக்குள்ளேயே சண்டையிட்டு கொண்டிருந்தால் எப்போது நாட்டைக் காப்பாற்ற முற்படுவீர்கள்.

சகிப்புத்தன்மை இல்லாமல் போவதற்கு பெற்றோர்களும் ஆசிரியர்களும் முக்கியப் பொறுப்பு ஏற்கவேண்டும்.

தொலைக்காட்சியில் நேற்று இரவு பார்த்த அந்தக் கொடூரம் என் கண்ணில் இருந்தும் மனதில் இருந்தும் அகலவில்லை. இந்த அளவிற்கு எங்கும் ஏன் சினிமாவில் கூட இவ்வாறு பார்த்ததில்லை. சம்பந்தப்பட்டவர்கள் வெட்கப்பட வேண்டும். குற்றம் புரிந்தவர்கள் தண்டிக்கப்பட வேண்டும் - சரியாக தண்டிக்கப் படவேண்டும் - அப்போதுதான் இது ஓர் படிப்பினையாக அமையும்.

மாணவ சமுதாயமே நன்றாக சிந்தி - நன்றாகப் படி - வேறு என்ன உன்வேலை - படிப்பதைத் தவிர.

வேலைக்குப்போகும் பெற்றோர்கள்

2008-11-02T22:01:00.004+05:30

வேலைக்குப்போகும் பெற்றோர்கள்

மேற்காணும் தலைப்பில் நீயா நானா என்ற தலைப்பில் இன்று இரவு (2-11-2008) விஜய் தொலைக்காட்சியில் நடை பெற்ற ஒரு விவாதம் என்னை மிகவும் சிந்திக்கவைத்தது.

பணம் நிறைய சம்பாதித்து நாம் பெற இயலா சுகங்களை, வசதிகளை நமது குழந்தைகளாவது அனுபவிக்கட்டும் என்ற நல்ல எண்ணத்தில் பொருளீட்டும் பெற்றோர்களும் சரி அவர்தம் குழந்தைகளும் சரி தங்களது நெருக்கத்தை, உண்மையான நேசத்தை, பாசத்தை பகிர்ந்துகொள்ள இயலாத அவலம். கேட்கவே மனதில் குருதி கொட்டுகிறது.

"குழல் இனிது யாழ் இனிது என்பர்தம் மக்கள்
மழலைச் சொல் கேளாதவர். "---எத்தனைபேர் இதனை அனுபவித்திருப்பார்கள்

நமது நாட்டில் குழந்தைகளை மேலை நாடுகள் போலன்றி கூடவே வளர்த்து வரும் பெற்றோர்கள் வெளியில் சொல்லமுடியாமலும், குழந்தைகளிடம் பகிர்ந்துகொள்ள முடியாமலும் தவிக்கும் தவிப்பு நம்மை அழவைக்கிறது.

சென்னை பழைய மஹாபலிபுரம் சாலையில் நிறுத்தப்பட்டிருக்கும் பூட்டப்பட்ட கார்களில் குழந்தைகள் என்ற செய்தியினைப்பார்த்து இந்த தலைப்பில் ஒரு விவாதம் நடத்த முன்னுதாரணமாக இருந்தது என தொகுப்பாளர் கூறினார்.

மனைவி கணவன் இருவரும் வேலைக்குப் போகும் நிலையில் பார்த்துக்கொள்ள உதவிக்கு ஆளில்லாத நிலையில் இந்த மாதிரி பரிதாப நிலையில் குழந்தைகள் வளருகின்றனர். எங்கே போய் முடியும் இந்த நிலை. பணம் சம்பாதிக்க வேண்டிய கட்டாயம் ஆனால் இவ்வாறு வளரும் குழந்தைகள் எதிர் காலத்தில் எவ்வாறு தங்கள் பெற்றோர்களை வயதான காலத்தில் கவனித்துக்கொள்ளும் .

ஏற்கனவே ஏகப்பட்ட முதியோர் இல்லங்கள் உருவாகிக் கொண்டிருக்கம் இந்தக்காலத்தில், மனித நேயமற்ற ஆசா பாசங்கள் இல்லாமல் பெற்றோர்களின் அரவணைப்பு என்ன வென்றே உணராமல் ஒரு சமுதாயம் வளர்ந்துகொண்டிருக்கிறது.

ஏன் இந்த அவலம். தனி ஒரு குழந்தை பெற்றோர்களின் பாசம் என்னவென்றே தெரியாமல் வளர்ந்தால் இந்த குழந்தை வளர்ந்து சமுதாயத்தின் ஓர் அங்கமாக இருக்கும்பட்சத்தில் அந்த சமுதாயம் எவ்வாறு இருக்கும் சற்றே சிந்தித்துப் பாருங்கள்.

குழந்தைகள் நாட்டின் வருங்கால தூண்கள் - இவர்களை இப்படி வளர்த்தால் நாம் வாழும்போதே பிரித்து விடுகிறோம். குழந்தைகள் வளர்ந்தபின் நம்மை மறந்துவிடுகின்றனர்.

மேலும் மேலும் முதியோர் இல்லங்கள் வராமல் இருக்க சமுதாய உணர்வுடன் குழந்தைகளை வளர்த்து அவர்களுக்குச் சேர வேண்டிய பாசத்தை அவர்கள் முழுமையாக அனுபவிக்க பெற்றோர் என்ற கடமையில் இருந்து தவறாதீர்கள் பெற்றோர்களே.

நூதன முறையில் நிதி திரட்டும் வாலிபர்.

2008-11-01T13:03:00.001+05:30

நூதன முறையில் நிதி திரட்டும் வாலிபர்.
நூதன முறையில் நிதி திரட்டும் வாலிபர்--இலங்கையில் துயரத்திற்கு ஆளாகி இருக்கும் நமது உடன்பிறப்புகளுக்கு உதவ எத்தனையோ புண்ணியவான்கள் தங்களது பங்களிப்பை ஆற்றி வருகின்றனர். அரசிடம் இதுவரை கிட்டத்தட்ட நான்கு கோடி ரூபாய் வரை நிதி திரண்டுள்ள நிலையில். திருநெல்வேலியைச் சார்ந்த பாபுராஜ் என்ற வாலிபர், காலணிகளை பாலிஸ் செய்து அதில் சேரும் தொகையை இலங்கை வாழ் தமிழருக்கு நிதியாக அனுப்ப முற்பட்டுள்ளார் என்ற செய்தியினை தினமலர் பத்திரிக்கையில் பார்த்து வியந்து நெகிழ்ந்து போனேன்.

என்னே அவரது ஆர்வம். உண்மைத் தமிழனாக பரிமளிக்கும் அவரை பாராட்ட வார்த்தைகளே கிடையாது. ஒவ்வொரு தமிழனும் தன்னால் இயன்ற பொருள் உதவியினைச் செய்ய முற்படுவோமேயால், நிச்சயம் இலங்கை வாழ் தமிழரின் இன்னல் துடைக்கப்படும் நாள் வெகு தூரத்தில் இல்லை.

இராமேஸ்வரம் கோவில்

2008-11-01T11:22:00.002+05:30

இராமேஸ்வரம் கோவில்

இராமேஸ்வரம் கோவில் -- இந்தியாவில் வாழும் அனைத்து மாநில ஹிந்து மக்கள் அனைவரும் வந்து தரிசனம் செய்யக்கூடிய ஒரு புனித தலம் இது. இந்தத் தலத்தைப் பற்றி ஒரு சில விபரங்களை தங்களுடன் பகிர்ந்துகொள்ள விரும்புகிறேன்.

இராமாயண கால வரலாற்றோடு தொடர்புடைய இராமேஸ்வரம் இந்தியா ஒருமைப்பாட்டின் உறைவிடமாகாவும் திகழ்கிறது. நம் நாட்டில் உள்ள புண்ணிய தலங்களில் நான்கில் வடக்கே மூன்றும் தெற்கே ஒன்றுமாக அமைந்துள்ளதோடு இராமேஸ்வரம் மட்டுமே சிவத் தலமாக அமையப் பெற்றது.

அதுபோல் பன்னிரண்டு ஜோதிர்லிங்க தலங்களுள் வடக்கே பதினொன்றும் தெற்கே ஒன்றுமாக அமைந்துள்ளது. இத்தகைய சிறப்புடைய இராமேஸ்வரம் மூர்த்தி, தீர்த்தம், ஸ்தலம் ஆகிய முப்பெருமைகளை உடையது. நாவுக்கரசரும் ஞானசம்பந்தரும் இத்தலத்தின் பெருமை குறித்து பல்வேறு பாக்களைப் பாடியுள்ளனர்.

பன்னிரெண்டாம் நூற்றாண்டு வரை துறவி ஒருவரின் பராமரிப்பில் கூரைக் கொட்டகையாக இருந்த இவ்வாலயம் காலப்போக்கில் பலரால் பல திருப்பணிகள் மேற்கொள்ளப்பட்டு இவ்வாலயம் அமைக்கப்பட்டுள்ளது. இவ்வாலயத் திருப்பணியில் பெரும்பங்கை இராமநாதபுரம் சேதுபதி மன்னர்களும், தேவகோட்டை ஜமீன்தார்களும், செய்துள்ளனர்.

ஆலய அமைப்பும் அடுக்கடுக்கான பிரகாரங்களும் கட்டிட கலைக்குத் தனிச் சிரப்பூட்டுவனவாக அமைந்துள்ளது. ௧௨௧௨ தூண்களும், ௨௨௫0 அடி சுற்றளவும் கொண்ட மூன்றாம் பிரகாரம் உலகிலேயே பெரிய முற்றமாகவும் கட்டிட கலையை சிறப்பிப்பதாகவும் அமைந்துள்ளது.

இராமேஸ்வரம் ஒரு தீவு.
ஒரு குறுகிய கடல் பகுதியால் பெருநிலப் பகுதியில் இருந்து பிரிக்கப் பெற்றுள்ளது. இத்தீவிற்கு தற்போது இரயில் வழியாகவும் பேருந்து மூலமாகவும் பயணிக்கலாம்.

ராமனதசாமிதான் இங்கு முக்கிய கடவுள். இங்குள்ள லிங்கம் சீதையால் ஆக்கபேற்று ராமபிரானால் புனிதமாக்கப் பெற்றதாக தல வரலாறு.

சந்நிதிகளின் பெயர்கள்
1.இராமநாதசுவாமி சந்நிதி
2விசுவநாதர் சந்நிதி
3.விசாலாட்சியம்பிகை சந்நிதி
4.உற்சவ மூர்த்திதிகள்
5. பர்வதவர்த்தினி சந்நிதி
6.பள்ளியறை
7.பெருமாள் சந்நிதி.
8.சந்தான சவ்பாக்ய கணபதி சந்நிதி
9.சுக்கிரவார மண்டபம்'
10.மகா கணபதி சந்நிதி
11.சுப்பிரமணியர் சந்நிதி.
12.சேதுமாதவர் சந்நிதி
13.இராமலிங்க பிரதிஷ்டை
14 . நடராஜர் சந்நிதி.

இங்குள்ள தீர்த்தங்களில் புனித நீராடுவது மிக புண்ணியமாகும். மொத்தம் இருபத்திஇரண்டு தீர்த்தங்கள் உள்ளன.

நான் சென்று அனைத்து தீர்த்தங்களிலும் நீராடி உள்ளேன்.

இறந்துபோனவர்களுக்கு காரியங்கள் செய்வதும இறந்தவர்களின் அஸ்தியை கரைப்பதும் இங்கு மிகப் பிரசித்தம்.

வைணவ மதத்தைச சார்ந்த இராமபிரான் ஈஸ்வரனை சிவலிங்க வடிவில் (சைவத்தை) பிரதிஷ்டை செய்தார் என்பதாலும் சைவ மதத்தினரும் வைணவ மதத்தினரும் வந்துகூடி வழிபடுகின்றனர் என்பதால், இந்தியாவில் உள்ள இந்து ஆலயங்களுள் இராமேஸ்வரம் மிகவும் முக்கியமான் ஒன்றாகும்

கோவில் பற்றிய விபரங்கள்

E-Pooja address: tntemple,org.
website address: rameswaramtemple.org.
e-mail addresss: lordramnath@sancharnet.in

phone nos: (04573)221223, 221241,

fax no: (04573) 223230

காசியில் நீராடி இராமேஷ்வரத்தில் உள்ள தீர்த்தத்தில் நீராடி ஸ்ரீ இராமனாதச்வாமியை தரிசித்தப் பிறகே புனிதப் பயணம் நிறைவடைகிறது.

இதைப் படியுங்கள் முதலில்

2008-10-31T15:12:00.000+05:30

இதைப் படியுங்கள் முதலில்.

இதைப் படியுங்கள் முதலில்--தனிப்பட்ட நபர்கள் வாங்கிய கடனை உடனடியாக திரும்பக்கட்டாவிட்டால் எச்சரிக்கை செய்து உடனடியாக கட்ட்ச்சொல்வதுண்டு. இல்லையெனில் அவர்களுடைய அசையாச்சொத்துக்களை ஜப்தி செய்யும் வழக்கம் உள்ளது.

அரசு போக்குவரத்துக் கழகம் நீதி மன்ற உத்தரவின்படி நட்ட ஈடு வழங்காமல் காலம் தாழ்த்தி செயல்பட்டதால் ஸ்ரீவில்லிபுத்தூரில் இன்று காலை (31-10-2008) ஒரு பேருந்தை ஜப்தி செய்யும் நிலை ஏற்பட்டுள்ளது. பயணித்துக்கொண்டிருந்த பேருந்து என்பதால் பேருந்தில் பயணம் செய்த பயணிகள் இன்னலுற்று உள்ளனர். ராஜபாளையத்தைச் சேர்ந்த மாரிமுத்து என்பவரின் மகன் சங்கரநாராயணன் குளித்துவிட்டு வரும் போது அரசுப் பேருந்தினால் மோதி மரணம் அடைந்துவிட்டான். இதற்கு இழப்பீடு வழங்கக்கோரி தாக்கல் செய்த மனுவினால் இழப்பீடு வழங்க உயர் நீதி மன்றம் ஆணையிட்டுள்ளது. நீண்ட நாட்களாக தொகை வந்து சேராமற் போகவே மதுரை உயர் நீதி மன்றத்தில் முறையிட்டுள்ளார் இறந்தவரின் தந்தை.

இதை விசாரித்த நீதிபதி நட்ட ஈடு வழங்க காலம் தாழ்த்தியதனால்
பேருந்தை ஜப்தி செய்ய உத்திரவுஇட்டுள்ளார்.

மகனை இழந்த துக்கம் ஒரு பக்கம் இருக்க நட்ட ஈடும் கிடைக்காமற் காலம் தாழ்த்திய இந்தச் செயல் மனிதநேயமற்ற செயலாக உள்ளது.

இதுபோன்ற நிகழ்வுகளில் தனி அக்கறை எடுத்து உடனக்குடன் தீர்வு கண்டால் துயருற்றவர்கள் ஓரளவு நிம்மதியாக இருக்கமுடியுமல்லவா.

தயவு செய்து சம்பந்தப்பட்டவர்கள் சிந்தித்து செயல்படுங்கள்.

ஆழ்நிலைத் தியானம்

2008-10-31T10:41:00.001+05:30

ஆழ்நிலைத் தியானம்

ஆழ்நிலைத் தியானம்--எத்தனையோ விதமான் தியானங்கள் உள்ளன. ஒவ்வொன்றும் ஒவ்வொரு வடிவில் தியானிக்க உதவுகிறது.
பொதுவாக தியானம் என்றவுடன் கண்ணை மூடி ஓர் இடத்தில் ஆடாமல் அசையாமல் மனதை ஒருநிலைப்படுத்தி தியானிக்கவேண்டும் என்பதுதான் அனைவரது பொதுவான கருத்து. ஆனால் நான் உன்னத உடல் நிலையை பராமரிக்கவேண்டுமேன்றும் உன்னத மனோநிலையை பெறவேண்டுமென்றும் சில தியானங்களை முறையாகக் கற்றுக்கொண்டேன். எனக்குப்பிடித்த முறையில் அமையும் தியானத்தை பின்பற்றுவது என்றும் முடிவு செய்து கொண்டேன்.

அவ்வகையில் எனக்குப்பிடித்த ஆறு ஆண்டு காலமாக நான் செய்துவரும் ஆழ்நிலை தியானத்தைப் பற்றி தங்களுடன் பகிர்ந்துகொள்ள விரும்புகிறேன்.

ஏன் ஆழ் நிலைதியானம்?

மிகச் சுலபமாக யார் வேண்டுமானாலும் எப்போது வேண்டுமானலும் எங்கு வேண்டுமானலும் செய்யக்கூடிய ஓர் உன்னத தியானம் இது.

எவ்வளவு நேரம் செய்யவேண்டும்?

காலையிலோ மாலையிலோ பதினைந்து முதல் இருபது நிமிடம் மட்டுமே.

எங்கு செய்யவேண்டும்?

வீட்டில் தங்களக்குப் பிடித்த எந்த இடமானாலும் சரி. வீட்டில் செய்ய நேரமில்லைஎனில் பஸ்ஸில், ரயிலில், விமானத்தில் தாங்கள் வண்டியை ஒட்டாத வகையில் இருந்தால் போதும்.

எவ்வர்று செய்ய வேண்டும்?

இதை முறையாக தியான ஆசிரியரிடம் நேரில் சென்றே கற்றுக்கொள்ளவேண்டும்.

பலன்கள்

மனோதைரியம். நல்ல தூக்கம் (தூக்கம் வராதவர்களுக்கு இது ஓர் வரப்பிரசாதம்) மாணவர்கள் எனில் சிதறாத கவனம் (அதனால் கூடுதலாக மதிப்பெண்கள்).

முக்கியமாக மன ஆரோக்கியம் - மன ஆரோக்கியம் என்றால் உடல் ஆரோக்கியம் தானாகவே கிட்டிவிடும்.

உலகில் வாழும் அத்துணை மனிதர்களும் ஏதாவது ஓர் இடர் உடன்தான் வாழ்கின்றனர். பணம் மட்டுமே நிம்மதி இல்லை. பணம் இருந்தால் கட்டிலைமட்டுமே வாங்க முடியும் - தூக்கத்தை வாங்க முடியாது (சினிமா பாடல் வரிதான்) - ஆனால் அதுதான் உண்மை.

நான் இந்த நல்ல அரிய கலையைக் கற்றுக்கொண்டு நலமாகவும் வளமாகவும் வாழ்வது போன்று ஒவ்வொருவரும் வாழ வேண்டும் என்று கேட்டுக் கொள்கிறேன்.

என்னுடைய உறவினர்கள், நண்பர்கள் அனவைருக்கும் நான் அவர்களைச் சந்திக்கும்போதெல்லாம் கூறி விருப்பப்பட்டவர்களை நானே தியான நிலையத்திற்கு அழைத்துச் சென்றுள்ளேன்.

சென்னையில் மஹரிஷி வித்யா மந்திர் என்ற ஓர் பள்ளி சேத்துபட்டில் (டாக்டர் குருசாமி சாலை) உள்ளது . ஒவ்வொரு சனிக்கிழமையும் மாலை தியானம் குறித்து ஒரு அறிமுக வகுப்பினை நடத்துகின்றனர். இதற்கு கட்டணம் ஏதும் கிடையாது. இந்த அறிமுக வகுப்பில் தியானம் குறித்து முழுமையாக விளக்குகின்றனர். யாருக்கு விருப்பமோ அவர்கள் இந்த தியானம் கற்றுக்கொள்ள தங்களது பெயரைப் பதிவு செய்துகொள்ளலாம்.

மேலும இந்த தியானம் பணத்திற்காக மட்டும் நடத்தப்படுவதில்லை என்ற உண்மையை அறிந்துள்ளேன்.

நான் உண்மையிலேயே பலன் அடைந்ததால் இந்த விவரத்தை தங்களுடன் பகிர்ந்துகொள்ளுகிறேன்.

இந்த தியானம் சம்பந்தமாக நான் பெற்ற அனுபவங்களை பின்னூட்டங்கள் மூலம் பகிர்ந்துகொள்ளவும் விரும்புகிறேன்.

அஸ்ஸாமில் குண்டு வெடிப்பு

2008-10-30T16:56:00.000+05:30

அஸ்ஸாமில் குண்டு வெடிப்பு

அஸ்ஸாமில் குண்டு வெடிப்பு--என்ன வேண்டும் இவர்களுக்கு ஏன் இவ்வாறு மனிதர்களை கொல்லுகின்றனர் ? 30-10-2008 அன்று இந்த அசம்பாவிதம் நடந்துள்ளது.

கிட்டத்தட்ட அறுபது பேர் பலியாகியிருக்கக் கூடும் என் அஞ்சப்படுகின்றது. பதினோறு குண்டுகள் வெடித்துள்ளன. அஸ்ஸாம் மாநில குவாஹத்தி மற்றும் சில் இடங்களில் இந்த குண்டு வெடிப்பு நடந்துள்ளது.

ஒரு குண்டு அஸ்ஸாம் முதல்வரின் வீட்டுக்கு அருகில் வெடித்துள்ளது.

இன்று காலை 11-30 மணி அளவில் மக்கள் நிறைந்த வணிக வளாகத்தில் இந்த துயரம் நடைபெற்றுள்ளது.

யு எல் எப் எ - தீவிரவாத இயக்கம் இந்த கொடூரச் செயலுக்கு காரணமாக இருக்கலாம் என சந்தேகிக்கப் படுகிறது.

சென்னை அரசு மருத்துவமனையின் சாதனை

2008-10-30T10:08:00.000+05:30

சென்னை அரசு மருத்துவமனையின் சாதனை
சென்னை அரசு மருத்துவமனையின் சாதனை--தனியார் மருத்துவமனியில் அதிகமாக் பணம் பெற்றுபணியாற்றும் மருத்துவர்களின் மத்தியில் இப்படி ஓர் அபார சாதனை . செய்தவர்கள் சென்னை கஷ்தூரிபாய் அரசு மருத்துவமனையைச் சார்ந்த டாக்டர் கலீல் ரஹ்மான் தலைமையிலான மருத்துவக்குழு.

அனைவரும் பாராட்டப்பட வேண்டியவர்கள்.
என்ன சாதனை?
கருப்பைக்கு வெளியே பெருங்குடல் பகுதியில் கருவாக வளர்ந்த ஓர் ஆண் மகனைப்பெற்றேடுக்க உதவி புரிந்துள்ளனர்.
இவ்வாறு நடப்பது ஆசியாவில் இரண்டாவது முறை எனக் கூறப்படுகிறது.
(ஆங்கிலத்தில் இதற்கு எக்டோபிக் கருத்தரித்தல் எனப் பெயர்). பெற்ற தாயின் பெயர் மீனா, செய்யாறுக்கு அருகில் உள்ள பெருமாள் தங்கல் என்ற ஊரைச் சேர்ந்தவர்.

ஸ்கேன் செய்து பன்னிரண்டு வாரங்கள் ஆகியுள்ள கரு என்றும் கண்டுபிடிக்கப்பட்டுள்ளது. வயிற்று வலி என்ற உடன் மருத்துவர்கள் அறுவை சிகிச்சை மேற்கொண்டதில் கருப்பைக்கு வெளியே இருந்த குழந்தையைப் பார்த்து அவர்களுக்கே ஆச்சர்யம்.

மற்ற குழந்தைகள் போலன்றி இக்குழந்தை தனக்கு வேண்டிய உணவை பெருங்குடலில் இருந்து பெற்றுள்ளதாக மருத்துவர்கள் கூறுகின்றனர்.
பத்தாயிரத்தில் இதுபோன்று நடக்கும் மகப்பேற்றில் பெரும்பாலான குழந்தைகள் போதுமான உணவின்றி இறந்துவிடுவதுண்டாம்.

நல்ல மருத்துவம் செய்து குழந்தையும் தாயையும் காப்பாற்றிய மருத்துவக்குழு வாழ்க பல்லாண்டு.

விஸ்வநாதன் ஆனந்த்

2008-10-30T08:47:00.001+05:30

விஸ்வநாதன் ஆனந்த்
விஸ்வநாதன் ஆனந்த்--மீண்டும் உலக்ச சாம்பியன் - மிகவும் சந்தோஷமான வரவேற்கத்தக்க ஒரு நிகழ்வு. ஜெர்மனியின் போன் என்ற ஊரில், ரஷ்ய நாட்டைச் சார்ந்த விளாடிமீர் என்ற வீரரை பன்னிரண்டு ஆட்டங்கள் அடங்கிய சதுரங்கப்போட்டியில் வீழ்த்தி மீண்டும் உலகச் சாம்பியன் ஆகி அனைத்து இந்தியருக்கும் பெருமை சேர்த்துள்ளார்.

உலக அரங்கில் இருபத்தைந்து ஆண்டுகளாக தனக்கென்ற ஒரு இடத்தை தக்க வைத்துக் கொண்டுள்ள விஸ்வநாதன் ஆனந்த் எவராலும் தோற்கடிக்க முடியாத ஒரு சிறந்த வீரர் என்ற பெருமையை மீண்டும் சேர்த்துள்ளார்.

இந்தப்போட்டியில் வெற்றி பெற்றதன் மூலம் இவருக்கு உலகச் சதுரங்க சக்கரவர்த்தி என்ற பட்டம் கிடைத்துள்ளது.

ஜெயலலிதாவுக்கு கொலைமிரட்டல்

2008-10-30T06:29:00.000+05:30

ஜெயலலிதாவுக்கு கொலைமிரட்டல்
ஜெயலலிதாவுக்கு கொலைமிரட்டல்--அகில இந்தியா அண்ணா திராவிடமுன்னேற்றக் கழக தலைவி ஜெயலலிதாவிற்கு கீழ்க்கண்ட வாசகங்கள்அடங்கிய ஒரு கடிதம் வந்துள்ளதாக செய்தி இன்றைய தினமலர் பத்திரிக்கையில் வெளி வந்துள்ளது

"இலங்கைத் தமிழர் பிரச்னைக்காகப் போராடும் விடுதலைப்புலிகள் பிரச்னையில் தலையிட வேண்டாம்' என இறுதி எச்சரிக்கை விடுப்பதாக அந்தக் கடிதத்தில் கூறப்பட்டுள்ளது. "உலகத் தமிழ் இனப் பாதுகாப்புக் கழகம், பேங்காக் கிளை, தாய்லாந்து; தலைமையகம் - ராபர்ட் ஸ்டிரீட், குயிஸ் ஹவுஸ், கனடா' என்ற முகவரி அந்தக் கடிதத்தில் உள்ளது. வெ.தமிழ்மைந்தன், ஆசிய திட்ட அலுவலர் என கையெழுத்திடப்பட்டுள்ளது.

மொத்தம் நான்கு பக்கம் உள்ள அந்தக் கடிதத்தில், "புலிகளைப் பற்றி பொய் பிரசாரம் செய்ய வேண்டாம். தேவையில்லாமல் தலையிட்டால் அதன் விளைவு மிகப் பயங்கரமாக இருக்கும். பாகிஸ்தானில் பெனசிர் புட்டோவுக்கு ஏற்பட்ட கதி ஏற்படும். புலிகளை யார் அழிக்க நினைத்தாலும், எதிராக செயல்பட்டாலும் அவர்களை அழிக்கத் தயங்க மாட்டோம்' எனக் கூறப்பட்டுள்ளது.

இது குறித்து இக்கட்சியினைசேர்ந்த தலைவர்கள் தங்கள் தலைவிக்கு போதிய பாதுகாப்பு அளிக்கவேண்டுமென உரிய அரசு அலுவலர்களிடம் மனு சமர்ப்பிதுள்ளதாகத் தெரிகிறது.

நடந்தது என்ன ?

2008-10-30T04:45:00.001+05:30

நடந்தது என்ன ?
நடந்தது என்ன ?--என்ற தலைப்பில் விஜய் தொலைக்காட்சியில் ஒரு நிகழ்ச்சி. சென்னை மைலாப்பூர் கபாலி கோவிலில் உண்டியல் உடைக்கப்பட்டு திருட்டு - என்ன நடந்தது? எப்படி நடந்தது ? இதைப்பற்றி மிக அழகாக தொகுப்பாளர் விவரித்தார்.

எவராலும் இந்த திருட்டை ஜீரணிக்கமுடியவில்லை. சந்தடி மிகுந்த இந்த கோவிலில் மூன்றடி உயரம் உள்ள ஒரு உண்டியல் திடீரெனக் காணவில்லை. கோவிலுக்கு வந்த பக்தர்களுக்கு எல்லாம் ஒரே ஆச்சர்யம் - ஒவ்வொருவராகப் பேசி கோவில் நிர்வாகம் கண்டுபிடித்தது அந்த உண்டியலை - உடைக்கப்பட்ட நிலையில் கோவிலுக்குப்பின்புறம்.

காவல் துறை உடனடியாகத் தொடர்பு கொள்ளப்பட்டது . காவல் துறை கைவிரல் நிபுணர்களுடன் களம் இறங்கி தனது வேலையைத் தொடங்கியது. ஏற்கனவே தங்களிடம் இருந்த கைவிரல் தொகுப்பு (பழைய குற்றவளிகளுடையது) மற்றும் கோவிலில் பணியாற்றும் சந்தேகத்திற்கு உடையவர்களின் கைரேகை அனைத்தையும் ஒப்பிட்டுப்பர்த்தனர். ஆனால் துப்பு துலங்கவில்லை. எனவே புது டில்லியில் உள்ள கைவிரல் பதிவுகள் அடங்கிய பீரோவிற்கு கோவில் உண்டியலில் இருந்து எடுக்கப்பட்ட கைவிரல் ரேகையை அனுப்பியது. அங்கும் எந்த விபரமும் கிடைக்காமற் போகவே காவல் துறைக்கு ஒரே ஏமாற்றம்.

அப்போது கல்கத்தாவில் செல்போனை திருடிய ஒரு குற்றவாளியின் கைரேகையை டில்லியில் உள்ள இந்த பீரோவிற்கு அனுப்பி கல்கத்தா போலீஸ் தனது வழக்கமான பணியைச் செய்து திருடனை காவலில் வைத்துள்ளது. என்ன ஆச்சர்யம் - இந்த திருடனின் கைரேகையும் கோவில் உண்டியலில் இருந்த கைரேகையும் ஒன்றாக இருக்க திருடனை விசாரிக்கத் தொடங்கியதில் உண்மை புலப்பட்டது. இப்படியும் இருக்குமா நடக்கமுடியுமா என்ற அளவில் அந்த திருடன் மிக சாமர்த்தியமாக தனது திருட்டைச் செய்துள்ளான். பக்தனைப்போல் கோவிலுக்குள் நுழைந்து யாருக்கும் தெரியாமல் இரவில் பூட்டப்பட்ட கோவிலில் தங்கி உண்டியலை உடைத்து பணத்தை எடுத்தவன் மறுநாள் காலை கோவில் திறந்தவுடன் சாமி கும்பிட்டு திரும்பும் பக்தனைப்போல் வெளியேறி உள்ளான்.

காவல்துறைக்குச் சவாலாக இருந்த இந்த திருட்டு மக்கள் மத்தியில் ஒரு வித அச்சத்தை ஏற்படுத்திவிட்டது. என்னே ஒரு சாமர்த்தியமான திருட்டு.

மக்களைக் காப்பாற்றும் தெய்வம் தனது சொத்தைக் காப்பாற்ற முடியவில்லையே என்ற அங்கலாய்ப்பு.

இப்படிக்கூட ஒரு திருட்டு நடக்குமா என்று அனைவரையும் போல் நானும் திகைத்துப்போனேன்.

"ஊரையெல்லாம் காப்பாற்றும் தாண்டவக்கோனே
உன் உண்டியலை காப்பாற்றடா தாண்டவக்கோனே" - என்று கூறி தனது தொகுப்பை முடித்தார் தொகுப்பாளர்.

நெஞ்சை உருக்கும் செய்தி

2008-10-29T16:18:00.000+05:30

நெஞ்சை உருக்கும் செய்தி

நேற்று (28-10-2008)மும்பை சத்ரபதி சிவாஜி ரயில் நிலையத்திற்கு சென்று கொண்டிருந்த ஒரு ரயிலில் உத்திரப் பிரதேசத்தை சேர்ந்த ஒரு வாலிபன் அடித்துக் கொலை செய்யப்பட்டுள்ளான்.

உத்திரப்ப்ரதேசத்தை சேர்ந்த மூன்று கூலித் தொழிலாளர்கள் குர்லா என்ற இடத்திற்கு ரயிலில் பிரயாணம் செய்யும்போது தரம்டேவ் என்ற வாலிபன் எட்டு முதல் பத்து பேர் அடங்கிய கும்பலால் அடிக்கப்பட்டு உள்ளான்,

அடிப்பட்ட நபரின் தோழர்கள், மராத்தி பேசும் இளைஞர்களால். இந்த கூலிப்பனியாளர்கள் அனைவரும் வட இந்தியாயவைச் சேர்ந்தவர்கள் என்பதால் அடிக்கப்பட்டதாக கூறுகின்றனர்.

மும்பையை சேர்ந்தவர்கள் ரயிலில் பயணித்த இவர்களை எங்கே இருந்து வருகிறீர்கள் என்று கேட்டி உத்திரப்ப்ரதேஷம் என்ற உடன் வாயால் திட்ட ஆரம்பித்து பின்னர் அடிக்க ஆரம்பித்து உள்ளனர்.

ராய் என்பவரைத் தவிர மற்ற அனைவரும் தப்பித்து ஓடிவிட ராய் மட்டும் அடிக்கு பலியாகி விட்டான்.

பிணப் பரிசோதனையும் அடித்ததால் தான் இறந்து உள்ளான் என்று உறுதி செய்துள்ளது.

எங்கே செல்கிறது நமதுநாடு

பிரிவினையினை தூண்டி மக்களை கூறு போட்டு சொந்த அரசியல் லாபத்திற்காக வஞ்சனை செய்யும் அரசியல் வாதிகளே தயவு செய்து மக்களை நிம்மதியாக வாழ விடுங்கள்.

சொந்த மண்ணில் சுதந்திரமாக வாழ வழி இன்றி தவிக்கபோகிறோம் என்ற அச்ச உணர்வு என்னை உலுக்குகிறது

ஒவ்வொரு மாநிலத்தில் இருந்து வெளி மாநிலத்திற்கு பணி நிமித்தம் இனி செல்வது கனவாகிவிடுமோ ?

இந்தியர்களே இந்தியர்களாக வாழ்ந்து உலகுக்கு

நாம் ஒரு முன் மாதிரியாக இருப்போம் என உறுதி பூணுங்கள்

பிரிவினை சக்தியை உடைத்தெறியுங்கள்

வாழ்க பாரதம்.

வளர்க வையகம்.

கவிஞர் வாலி

2008-10-29T12:43:00.001+05:30

கவிஞர் வாலி
கவிஞர் வாலி--(29-10-2008) இன்று பிறந்த நாள் காணும் வாலிபக்கவிஞர் வாலி அவர்களுக்கு என் வணக்கங்கள். வாலி அவர்களைப்பற்றி சில வரிகள் உங்களுடன் பகிர்ந்துகொள்ள விரும்புகிறேன்.

திரு ஸ்ரீனிவாச ஐயங்கார் அவர்களுக்கும் திருமதி பொன்னம்மாள் அவர்களுக்கும் 1931-இல் ஸ்ரீரங்கத்தில் பிறந்தவர். அகில இந்தியா வானொலி நிலையத்தில் பணியாற்றிய ஒரு கலைஞர். ஒரு சிறந்த ஓவியரான இவருக்கு இவருடைய நண்பர்கள் வைத்த பெயர் தான் வாலி.

இவர் பத்தாயிரத்திற்கும் மேலான பாடல்களை எழுதிஉள்ளார்.
இவர் பல் புத்தகங்களும் எழுதிஉள்ளார். அவற்றுள் சில அவதார புருஷன்,
பாண்டவர் பூமி, ராமனுஜக்காவியம், கிருஷ்ணா விஜயம், கலைஞர் காவியம், கிருஷ்ணா பக்தன், நானும் இந்த நூற்றாண்டும் ஆகும்.

நாற்பது ஆண்டுகளுக்கு மேலாக பாட்டுக்கள் எழுதிவரும் இந்த வாலிபக்கவிஞருக்கு திரு ஜி. ராமநாதன் முதல் ஜி.வீ பிரகாஷ் வரை பாட்டு எழுதும் வாய்ப்பு கிடைத்துள்ளது. இவருடைய பாடல்கள் கவிஞர் கண்ணதாசன் இருந்த காலத்திலிருந்தே திரையுலகை ஆக்கிரமிப்பு செய்துள்ளது.

கண்ணதாசன் அவர்களே சில சமயம் வாலி எழுதிய பாடல்களை தான் எழுதிய பாடலாக கருதிக் கொண்டு, இந்தப்பாடலை எந்தப் படத்தில் எழுதினோம் என்று உதவியாளர்களிடம் கேட்டதாகக்கூட ஒரு செய்தி உண்டு.

திரு வாலி அவர்களிடம் உள்ள மிகச்சிறந்த தகுதி எந்தப்படத்திற்கும், எந்தவிதமான பாடலாக இருந்தாலும் சரி , போப், கிராமியம் என பிய்த்து தள்ளிவிடுவார்.

அபூர்வ சகோதரர்கள் படத்தில் உலக நாயகன் கமல் ஹசன் அவர்கள் விரும்பிய வண்ணம் பாடல் அமையவில்லை என்று திரும்ப திரும்ப வேறு பாடல் எழுதி தரக்கேட்ட போது தனது ரைடிங் பேடை தூக்கி எறிந்து இதற்குமேல் என்னால் எழுத முடியாது என்று கூறி எழுதிய பாடல்தான் "உன்னை நினைச்சேன் பாட்டுபடிச்சேன்" என்ற பிரபலமான் பாடல்

அவரது புதுக் கவிதைகளுள் ஒன்று (அசோக வனத்தில் சீதை கூறுவது போன்று)
எனை மீட்க-
ஐயன் வரலாம், மீட்டபின்
ஐயம் வரலாம் நான்
சிறை நீங்கினாலும் - என்
கறை நீங்குமா ?
மாற்றான் வசமிருந்த
மனையாளை - மன்னவன்
மனம் ஏற்றாலும்- ஊர்ச்
சனம் ஏற்குமா? - உற்றார்
இனம் ஏற்குமா ?
என்னைக்
கறந்தபால் என்று
கணிக்குமா ?- இல்லை
திரிந்த பால் இன்று
தவிர்க்குமா ? - நான்
ஆதர ¢த்த அருங்கற்பு
அப்பழுக்கு அற்றதென்று
முதரித்தல் எவ்வாறு ?- அது
முடியாத பட்சத்தில்- ஏனிங்கு
முடங்கியிருக்க வேண்டும் - ஓர்
அடிமையாய் இவ்வாறு ?
இன்னும் ...
உயிர்த்தென்ன புண்ணியம் ?
உயிர்நீப்பதே கண்ணியம் ,
வற்கலை அணிந்திருந்த
வைதேகியின் உள்ளத்தில்
தற்கொலை எண்ணம தலையெடுக்க -
ஒரு -
குரக்கத்திக் கொடியைக்
கழுத்தில் சுற்றி - அவள்
சுருக்கிட்டுக் கொண்டு சாக நினைக்க ...
அன்னையின் எதிரில்
அனுமன் குதித்தான்
அன்னைக்கு அனைத்தனையும்
ஆதியோ டந்தமாய்
அனுமன் விளக்கினான் அன்னையின்
அகத்தில் அப்பியிருந்த
ஐயப்பாடு எனும் -
அழுக்கைத் துலக்கினான்
வார்த்தைகளால் -
வள்ளல் ராகவனின் -
கருமேனியை - வண்ணத்
திருமேனியை- ஒரு
வரைபடமாய் வரைந்து
காகுத்தன் மனைவிக்குக்
காட்டினான், பின்பு
நம்பி சொன்னவற்றை
அம்பிகைக்குச் சொல்லி-
நம்பிக்கையை ஊட்டினான்.
மகிழ்ந்தாள்- மைதிலி
நெகிழ்ந்தாள்
...........
பேரானந்தத்தில் - பிராட்டி
பேச்சற்று நின்ள்
கணையாழியை- ஈரக்
கன்களால் தின்றாள்.

திரு டி . எம் சௌந்திரராஜன் அவர்களால் பாடப்பெற்ற என்றும் அழியாத முருகன் பாடல்கள ஆன "கற்பனை என்றாலும்" மற்றும் "ஓராறு முகமும்" ஆகியப் பாடல்கள் அழியாப் புகழ் பெற்றவை.

திரு கண்ணதாசன் அவர்கள் எழுதிய வார்த்தைகள் "நான் நிரந்தரமானவன் - படைப்பதினலே நான் இறைவன்" என்ற வார்த்தைகளுக்கொப்ப - தாங்களும் நிரந்தரமானவர்தான்.

ஸ்ரீரங்கப்பெருமான் போன்று ஸ்ரீரங்கத்தில் பிறந்த நீயும் வாழியப்பல்லாண்டு.

கேட்ட செய்தி

2008-10-29T11:02:00.001+05:30

கேட்ட செய்தி (கெட்ட செய்தி)

கேட்ட செய்தி--சென்னையின் விமான நிலையம் மீனம்பாக்கத்தில் உள்ளது. இந்த விமான நிலயத்திற்கு செல்ல வேணுமானால் பிரதான சாலையில் மிகுந்த சிரமத்துடன்தான் செல்ல இயலும். அவ்வளவு போக்குவரத்து நெரிசல். இதைச் சரி செய்யும் முகமாக விமான நிலையத்திற்கு எதிரே ஒரு மேம்பாலம் புதியதாக கட்டப்பட்டு போக்குவரத்திற்கு திறந்து விடப்பட்டுள்ளது. இதனால் வாகன நெரிசல் குறைந்து பயண நேரமும் குறைந்துள்ளது. எனவே சென்னை விமான நிலையத்திற்குச் செல்ல இனி சிரமப்படவேண்டாம் அரசு தகுந்த நடவடிக்கை எடுத்துள்ள காரணத்தினால் சாலை உபயோகிப்பவர்கள் மட்டுமின்றி விமான் நிலையம் செல்லுபவர்களும் மிகுந்த பயன் அடைந்துள்ளனர்.

இது ஒரு புறம் இருக்க ஒரு புதிய பிரச்சினை

என்னவென்றால் சாலையினை உபயோகிப்பவர்கள் மேம்பாலத்தில் வரும்போது பன்னாட்டு மற்றும் உள்நாட்டு விமானங்களின் வருகை, தரையிறங்குதல், தரையிலுருந்து புறப்படுதல் போன்றவற்றை மிக துல்லியாயமாக் பார்க்கமுடிகிறது. இதனால், சாலையினை உபயோகிப்பவர்கள் அனைவரும் மேம்பாலட்ட்தில் வண்டியினை நிறுத்தி விமானங்களை பார்க்க கூட்டம் கூட்டமாக நிற்கின்றனர் இதனால் தேவையற்ற போக்குவரத்து பாதிப்பு ஏற்படுகிறது. எனவே இது ஒரு சுற்றுலாத்தலமாக மாறுமுன் அரசு புதிய நடவடிக்கை எடுத்தால் மட்டுமே இதற்கு ஒரு முற்றுப்புள்ளி வைக்கமுடியும் என எண்ணுகிறேன்.

தினமலர்

2008-10-29T06:27:00.000+05:30

இன்றைய செய்திகள் (29-10-2008)
இன்றைய தினமலர் பத்திரிக்கையில் முக்கியமான செய்திகளுள் ஒன்று தீபாவளி அன்று விற்பனை செய்யப்பட்ட மது. தினமலர் கீழ்க்கண்டவாறு தனது பத்த்திரிக்கையில் செய்தி வெளியிட்டு உள்ளது.

தமிழக டாஸ்மாக் கடைகளில் தீபாவளியன்று சரக்கு விற்பனை இரு மடங்கு அதிகரித்தது. தீபாவளி தினத்தன்று மட்டும் "டாஸ்மாக்'கில் மது விற்பனை 100 கோடி ரூபாய்க்கு எகிறியுள்ளது. முந்தைய நாளான ஞாயிற்றுக்கிழமையும் 100 கோடி ரூபாய்க்கு விற்பனை எட்டியதால், மது விற்பனை வரலாற்றில் புதிய சாதனை படைக்கப்பட்டுள்ளது.
தமிழகம் முழுவதும் உள்ள 6,700 டாஸ்மாக் கடைகளில் அயல்நாட்டு மதுபானங்கள் மற்றும் பீர் விற்பனை செய்யப்பட்டு வருகிறது. சென்னையில் 500க்கும் மேற்பட்ட டாஸ்மாக் கடைகளில் "சரக்கு' விற்பனை செய்யப்படுகிறது. டாஸ்மாக் விற்பனை ஆண்டுக்காண்டு அதிகரித்து வருகிறது.இதன் மூலம், அரசுக்கு கிடைக்கும் வருமானம் 10 ஆயிரம் கோடி ரூபாயைத் தாண்டியுள்ளது.

இது மகிழ்ச்சியா அல்லது வருத்தமா - ஒன்றும் சரியாகப் புரியவில்லை என்றே எண்ணுகிறேன்.

இலங்கை தமிழர் பிரட்சினையில் ரஜினி தனி ஆவர்தனம் என்ற தலைப்பில் கீழ்க்கண்ட செய்தியும் உள்ளது.

தமிழகத்தின் தலையாய பிரச்னைகளில் தன்னுடைய கருத்தை, தனியாக வெளிப்படுத்துவது நடிகர் ரஜினிகாந்தின் "ஸ்டைல்.' தற்போது, தமிழகம் மட்டுமல்லாது, மத்திய அரசையும் சேர்த்து உலுக்கிக்கொண்டிருக்கும் இலங்கைத் தமிழர் பிரச்னையிலும், தனி ஆவர்த்தனம் செய்ய ரஜினி தயாராகிவிட்டார்.கடந்த 2003ம் ஆண்டு காவிரி நடுவர் மன்ற தீர்ப்பை அமல்படுத்தாத கர்நாடகாவைக் கண்டித்து, தனியாக உண்ணாவிரதம், ஒகேனக்கல் பிரச்னையில் பேசும்போது, "தண்ணீர் கொடுக்காதவர்களை உதைக்க வேண்டாமா' எனப் பேசி, "என்றைக்கும் நியாயத்தின் பக்கம் தான் இருப்பேன்' என்பதை நிரூபித்தார்.

பெண் ரோபோ

2008-10-28T20:05:00.001+05:30

பெண் ரோபோ
ஜப்பானின் புதிய கண்டுபிடிப்பு. வீட்டு வேலைகளை செய்ய தகுந்த ஆட்கள் கிடைக்க வில்லை என்பதால் ஜப்பானில் இப்படி ஒரு கண்டுபிடிப்பு.
இந்த ரோபோ வீட்டு வேலை செய்யும் பணிப்பெண்ணை போன்றே
அனைத்து வேலைகளையும் செய்கறது.

ஜப்பானிய அறிவியலார் இந்த அறிய கண்டுபிடிப்பு உலகின் முதல் கண்டுபிடிப்பு என்றும் இந்த ரோபோக்களுக்கு மிகுந்த வரவேற்பு கிடைக்கும் என்றும் அறிவித்துள்ளார்கள்.

இந்த ரோபோ ஒரு வேலைக்காரியை போன்று வீடு பெருக்குவது, துணி துவைப்பது என்று அனைத்தையும் செய்கின்றது.

அதெல்லாம் சரிதான்.

என் மனைவி என்னிடம் ஒரு கேள்வி கேட்டார். அதென்ன பெண் ரோபோ . ஆண் ரோபோ என்றால் வேலைசெய்யாதா என்று. சரியான கேள்வி.
ஏற்கனேவே ஆண் ஆதிக்கம் உள்ள மனிதர்கள் மிகுந்த உலகில் பெண்களுக்கு சரியான இடம் அளிப்பதில்லைஎன்ற கூற்று உண்மையாகும் நிலையில் உள்ளது இந்த பெயரிட்டுள்ள விதம்

தமிழ்நாட்டில்தான் இதுபோன்ற வீட்டு வேலைகளை பெண்கள்தான் செய்ய வேண்டும் என்று உள்ளது என்று பார்த்தால் விஞனத்தில் பெரிய அளவு
முன்னேற்றம் அடைந்துள்ள ஜப்பானிய அறிவியலாருக்குக்கூட பெண்கள்தான் வீட்டு வேலைகளை செய்ய வேண்டும் என்ற எண்ணம் மனதில் ஊறுகாய் போல ஊறி உள்ளது வேதனை அளிக்கிறது.

பெயரிடும் போதாவது குறைந்தபட்சம் பெண் ரோபோ என்பதற்குப் பதிலாக வீட்டு வேலை செய்யும் ரோபோ என பெயரிட்டுஇருக்கலாம் என்று என் மனைவி பொரிந்து தள்ளிவிட்டார்கள்.

விஜய் தொலைக்காட்சியின் நீயா நானா

2008-10-28T16:20:00.001+05:30

விஜய் தொலைக்காட்சியின் நீயா நானா
விஜய் தொலைக்காட்சியின் நீயா நானா--நீயா நானா என்ற இந்த நிகழ்ச்சியயை நானும் என் வீட்டு உறுப்பினர்களும் தவறாமல் பார்க்கிற ஒன்று. சென்ற வாரம் நடை பெற்ற இந்த நிகழ்ச்சியில் கொள்கைகளை கடைப்பிடிப்பது பற்றி ஓர் விவாதம்.

கலந்து கொண்ட அனைவருமே நன்றாக - மிக நன்றாக பேசினார்கள். சில சமயங்களில் அவர்கள் கொண்ட கடைப்பிடுக்கும் கொள்கைகளை தளர்த்திக்கொள்ள வேண்டிய தர்ம சங்கடமான நிலைமை ஏற்பட்டு தளர்த்திக்கொண்டு விலகி சென்றதாக கூறினர், ஆனால் ஒரே ஒருவர் மட்டும் தன் கொள்கைகள் இருந்து தவறு விலகாது இருந்தேன் என்றார் - நிகழ்ச்சியில் உள்ளவர்கள் மட்டும் அன்றி எனக்கும் ஒரே வியப்பாக இருந்ததது. அவருடைய கொள்கை இலஞ்சம் பெறாமல் பணியாற்ற வேண்டும் என்பது தான். கீழ் நிலை பதவியில் இருந்தவரை அனைவரும் இலஞ்சம் பெற்று பணியாற்றும் அந்த துறையில் தான் மட்டும் விலக்காக இருந்துள்ளார். உயர் பதவி பெற்று பணியாற்றும் நிலையில் இலஞ்சம் பெற்றே ஆகா வேண்டும் என்ற நிலையில் தனது நிரந்தர பணியினை ராஜினாமா செய்து விட்டு வந்தார் என்ற செய்தி என்னை மிகுந்த ஆச்சரியம் மட்டுமின்றி வியக்கவும் வைத்தது - இவ்வாறு அவர் சொன்னதும் அங்கு இருந்த அனைவரும் எழுது நின்று கைதட்டி அவருக்கு புகழாரம் சூட்டினார்கள். -- அவருக்கு எனது சிரம் தாழ்ந்த வணக்கங்கள்.

ஆனால் அவர் ஆரம்பித்த புதிய வியாபரத்திற்கு அவர் இலஞ்சம் கொடுக்க வேண்டி வந்தது என்ற அவரது வார்த்தைகள் என்னை ச்சீ என்ன உலகமடா இது என்று நோகச்செய்தது - இலஞ்சம் வாங்கும் மக்கள் அல்ல மாக்கள் திருந்தவே மாட்டார்களா - கடவுளே அவர்களுக்கு நல்ல புத்தியை கொடுங்கள் என்று கேட்டுக்கொள்கிறேன்.

தமிழ் அரும்பு

2008-10-28T15:33:00.001+05:30

தமிழ் அரும்பு
அரும்பு மொட்டாகி பூவாகி
காயாகி கனிந்து நின்னை மறக்காமல் இருக்குமா
ஏனென்றால் தண்ணீர் ஊத்தியது நீதானே.

மனம் ஓர் குரங்கு . தாவிக்கொண்டே இருக்கும்.

ஓய்வுபெற்ற நான் எழுத என்ன கிடைக்கும என்று தேடியபோது
எழுத என்ன வேண்டும் என்று உள் மனது கேட்கிறது,
என்ன வேண்டுமானாலும் சரி எழுது
உலகம் பறந்து விரிந்து உள்ளது
அதில் தமிழர்கள் இல்லாத இடமே கிடையாது
தமிழை பார்க்க தமிழை பேச அங்குள்ள தமிழர்கள் எல்லாம் வியந்து என்ன
எழுதி உள்ளான் என்று பார்ப்பார்களே அன்றி ஒதுக்கமட்டர்கள்
என்ற ஆர்வத்தில் புதிய தொகுப்பு ஒன்றை எழுத புறப்பட்டுள்ளேன்.

மனித நேயம் - மனித நேயம் மிக்க உள்ள மனிதர்கள் உள்ளுரில் பார்க்க முடியாது
ஆனால் வெளி மாநிலம் சென்றால் நமது மனம் நம்மூரக்காரன் என்ற எண்ணம்
எழுந்து உதவ முற்படுகிறது.

ஏன் அந்த மனம் உள்ளூரில் இல்லை. அதை எப்படியாவது நம்மிடம் வைத்துக்கொள்ள வேண்டும். வெளி மாநிலத்திற்கே இப்படி என்றால் வெளி நாடு கேட்கவே வேண்டாம்.

மனித நேயம் இல்லாத மனிதன் மனிதனே அல்ல.

சமீபத்தில் இறந்த ஹிதேந்திரன் என்ற இளைஞனின் உடல் உறுப்புகளை தானம் செய்த அவனது பெற்றோர்கள் மனித நேயத்திற்கும் மேல் மனம் கொண்டு தானம் செய்துள்ளனர். இதுவன்றோ மனித நேயம். அவர்களது எந்த நிலைமையில் அவ்வாறு செய்தார்கள் என்று பார்த்தல் நம்மால் தாங்கிக்கொள்ள முடியாது - துயரம் தாக்கி உள்ள நிலையில் அவர்களது செயல் நம்மை வியக்க வைக்கிறது